हस्तलिपि एवं उपयोग

hastalipi evan upyog  

Ank ke aur Lekh | Sambandhit Lekh | Views : 926 |  
vyakti ke hath ki ungliyan sidhe mastishk se nariyon dvara juri hoti hain. vyakti hath se vaise hi likhta hai jaise use buddhi se sanket milte hain. vyakti ki mansikta uske lekhan se jani ja sakti hai. itna hi nahin, iski sahayta se vyakti ke vyavhar, uski pravritti v jivnshaili adi ke bare men bhi jana ja sakta hai. apradhiyon ki likhavat avashya hi auron se alag hoti hai jo ki unki aisi mansikta ko darshati hai. is alekh men likhavat ke anek mahatvapurn upyogon ka varnan kiya ja raha hai. vyaktitva ki pahchan hastalipi vyaktitva vishleshan ke lie atyuttam sadhan hai. sundar v saf likhavat vyakti ki soch aur karya men samanvay darshati hai. chota-chota likhne vala aur prishth ka adhikatam upyog karne vala uske mitavyayi hone ko darshata hai jabki bara aur khula-khula likhne vala apavyayi hota hai. bar-bar kat kar likhne vala vicharak v anveshak hota hai. lekhak adi ki hastalipi dhara pravah juri hui v bina kati hui hoti hai. bari-bari golaipurn likhavat kamukta ko darshati hai. bhavishyavani likhavat ke dvara manushya ke svabhav vishleshan ke sath-sath uske bhut vartaman v bhavishya ke bare men bhi mahatvapurn jankari prapt ki ja sakti hai jaise yadi vyakti pahle khula-khula likhta hai aur lekh ke ant tak chota-chota likhna shuru kar deta hai to isse yah anuman lagta hai ki vah jivan ke aranbh men sukhi tha lekin ab use arthik tangi ka samna karna par raha hai. ayu ka anuman umra ke sath likhavat men badlav ate hain. choti umra men akshar bare v pravahvihin hote hain, uske bad pravah barh jata hai, bad men aksharon ki banavat kuch aprishkrit hone lagti hai jo ki burhape men terhi v lahrane bhi lag jati hai. svasthya vishleshn vishesh rogagrast logon ki hastalipi vishesh prakar ki hoti hai jaise hriday rog vale ki likhavat men adhik aram bindu hote hain aur vo likhte hue adhik bar v adhik samay ke lie rukte hain. parkinsan rogi chote akshar bina dabav ke likhte hain aur likhne men adhik samay lete hain. is rog ke adhik barh jane par akshar kuch lahrane lagte hain evam shabdon ke bich men antar aniyamit ho jata hai. dislaiksiya namak bimari se grast logon ki likhavat bachchon jaisi v gandi hoti hai. tuti-futi v shabdon ke bich men duri aniyamit hoti hai. aksharane ki banavat terhi merhi hoti hai. ye speling men galtiyan karte hain tatha kauma v viram adi ka prayog bhi sahi tarike se nahin kar pate. kainsar ke rogiyon ki likhavat men shabdon men lagne vale stroks men rukavat niyamit rup se dekhi jati hai. upar aur niche jane vale stroks ki unchai ghat jati hai. mahila ke garbhavati hote hi uski likhavat men vishesh parivartan dekha gaya hai. yah parivartan aksharon ke bich men binduon ke rup men drishtigochar hota hai aur is prakar ke bindu bachche ke janm ke pashchat samapt ho jate hain. rojgar ruprekha likhavat dvara jatak ke vyavsay nirdharan men bhi sahayta prapt hoti hai jaise ek patrakar ki likhavat men akshar ek dusre se mile hote hain kyonki unke vichar v aksharon men ek samanvay paya jata hai. jo log hotal indastri se jure hote hain unki likhavat men akshar alg-alag hote hain evam likhavat dhimi hoti hai. akshar ek rekha men nahin hote. isi prakar se vaigyanikon ki likhavat men kating bahut bar hoti hai lekin fir bhi likhavat saf suthri hoti hai. prashaskon ki likhavat vishesh saf suthri hoti hai. kisi bhi vyakti ko naukri par rakhne se pahle uski likhavat ke namune se yah anuman lagaya ja sakta hai ki yah vyakti kis prakar ke kam kaj ka jimma sanbhalne ki yogyata rakhta hai evam is par kitna vishvas kiya ja sakta hai. sidhe akshar likhne vale log adhik vishvaspatra pae jate hain. bain or ke jhukav vali likhavat vishvasniyata par prashn chihn lagati hai. vyaparik maitri do sajhedaron ke bich men vyaparik drishtikon v len-den ke mamle men kitna talmel v anurupta rahegi iske vishleshan men bhi likhavat ke namune sanket de sakte hain. ek jaisi likhavat do vyaktiyon ke vicharon men samanta ko darshati hai. yadi ek ki likhavat faili hui v dusre ki likhavat mahin v chipki hui hai to ek khule dil ka v dusra kanjus hoga tatha donon ke vicharon men taratamya nahin hoga. vaivahik maitri jis prakar se jyotish ke dvara gun milan karte hain usi prakar likhavat dvara bhi milan kiya ja sakta hai aur var-vadhu ke svabhav v jivan shaili ka anuman lagaya ja sakta hai. faile hue v lanbe vai ya ji akshar ke lup ya hindi men u ya u ki matra ka bara hona barhi hui kamechcha ko darshate hain. agar lup gayab ho to ekantapriya hote hain atah yadi var/vdhu men se ek ki likhavat men bara lup vala akshar ho aur dusre ki likhavat men yah lup purnataya gayab ho to yah kharab milan hoga. jinka vivah ho chuka hai unmane likhavat men sudhar karke sanbandhon ko sudhara ja sakta hai. apradhiyon ki pahchan likhavat ke namune lekar bahut asani se apradhik tatvon ki pahchan ki ja sakti hai. apradhi mansikta ke logon ki likhavat adhikanshtah terhi-merhi jaldi-jaldi likhi gai adhi adhuri v shighrata se n samajh men ane vali hoti hai. unki likhavat men stroks v bindu adhik hote hain. forensik dastavej nirikshan nyayik prakriya men likhavat ka vishesh mahatva hai. do vyaktiyon ki likhavat kabhi bhi ek saman nahin ho sakti. atah iske dvara vyakti vishesh ko pahchanne men sahayta milti hai. chek ya baink men to vyakti ki pahchan likhavat dvara hi ki jati hai. grafothairepi arthat lipi chikitsa vigyan haind raiting ko bren raiting kahen to kuch galat nahin hai. mastishk se nariyan hath ki ungliyon men jakar unki gati ko niyantrit karti hain jo age likhne ka kam karti hain. nariyon ko vaise hi nirdesh milte hain jaisi hamari mansikta hoti hai. atah mansikta men badlav se hastalipi to badlti hi hai sath hi hastalipi men satat prayas se badlav lakar mansikta ko bhi sudhara ja sakta hai. aisa paya gaya hai ki yadi likhavat ko sahi karne ka abhyas kiya jae to ham tin se chah mahine ke bhitar kafi had tak apne rog ka upchar kar sakte hain. kuch bimariyan jaise elarji, chinta, krodh, bhay v chidchirapan adi men 90 pratishat tak sudhar laya ja sakta hai aur anya bimariyane jaise gathiya, dama, raktachap, hriday rog, kidni, maigren adi men 25 se 50 pratishat tak labh prapt hota hai. likhavat vishleshan ek vyavsay likhavat vishleshan ki ek vyavsay ke rup men bhi vishesh manyata hai. is prakar ke visheshagyaon ki avashyakta nyaypalika, pulis, aspatal, baink, kaerporet haus adi men to rahti hi hai sath hi aisa vyakti ek svatantra paramarshadata ke rup men bhi karya kar sakta hai.
Kya aapko lekh pasand aaya? Subscribe
Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.