हर की पौढ़ी, हरिद्वार का वास्तु आकर्षित करता भक्तों को

har ki paurhi, haridvar ka vastu akarshit karta bhakton ko  

Sambandhit Lekh | Views : 1434 |  

vishva men sabhi dharmon men puja-path, dharmik parva adi ke lie har jagah mandir, masjid, girjaghar, gurudvare ityadi bane hue hai. unmen se kuch sthan vishesh astha ke kendra bane hue hai. jaise bharat men nadiyan to kai hai. jinka apna-apna mahatva hai, kintu hindu dharm men ganga nadi ki apna ek vishesh mahatva rakhti hai. bharat men ganga nadi ko devi ka darja prapt hai. vaise to ganga bharat ke ek chor se dusre chor tak bhumi ko sinchti hui jati hai, parantu kuch sthanon par is pavan pavitra nadi ka dharmik mahatva bahut hi jyada hai. akhir aisa kyon hain ki, ek hi nadi hai aur jal bhi vahi hai? vastushastra ke anusar keval vahi sthan vishesh dharmik astha ka kenndra banta hai. jin sthanon ki bhaugolik sthiti dharmik drishti se atyadhik vastunukul hoti hai.

prachinkal se pratyek hindu ke man men ek abhilasha rahti hai ki, jivan men ek bar ganga nadi men snan kar apne papon se mukti pakar moksh ko prapt ho aur uske lie sabse jyada prasiddh sthan hai haridvar sthit brahmakund. vahin brahmakund jiske samip hi patthar se bane ek mandir men bhagvan vishnu ke charnchinh hai. brahmakund men bhaktajan snan karte hai. us mandir ke sath laga hua jo ghat hai, use hi har ki paudhi kahte hai. aie dekhte hai ki haridvar aur vahan sthit har ki paurhi ke aspas ke kshetra men aisi kaun si bhaugolik vastunukultaen hai jo shrriddhaluon ko apni or akarshit karti hai.

haridvar ke ek or himalay pahar ki parvatmala hai. jahan purva aur pashchim ki or se mili hui shaivalik parvat ki do shakhaen hai. pashchim sthit shaivalik parvat ki ek shakha bilva parvat jahan par mansadevi ka mandir hai. bilva parvat ki purva disha ki talhti par har ki paurhi sthit hai. har ki paurhiyan bhi is parvat ko kat kar banai gai hai. har ki paurhi ke samne vah ghat hai jahan ghantaghar sthit hai aur is ghat ke bad purva disha men ganga ki dusri nahar evan ganga ki mukhya dhara bah rahi hai. kul milakar har ki paurhi ke thik nikat pashchim men unchai aur samne dur tak purva disha men nichai hai.

har ki paurhi ke pashchim men bhim gora ror evan ganga sabha karyalay unchai par hai. har ki paurhi ke ekadam pas vali sarak apar ror ke antim chor par jo pul par samapt hoti hai is pul ka yah chor sarak ke leval ke barabar hai. jabki pul ka dusra chor har ki paurhi ke samne us ghat tak hai jahan ghatanghar hai vahan par 15-16 fit ki nichai hai. islie ghantaghar vale ghat par jane ke lie sirhiyan utrni parti hai.

haridvar men ganga nadi uttar se dakshin disha ki or bah rahi hai. kintu har ki paurhi se lagabhag 150-200 mitar pahle shmashan ke pas jahan par panjab sindh kshetra ka bhavan hai. vahan se ghumakar ishan kon se har ki paurhi ki taraf ati hai aur har ki paurhi ke bad kuch mitar duri par hi uprokt pul ke niche punah purva ki or mud kar ganga nadi dakshin vahini ho jati hai. vastushastra ke anusar is prakar pashchim men unchai aur purva disha men nichai aur vahan par pani ho aise sthan logon ki aisi dharmik astha ka kendra ban jata hai. jahan bhaktajan moksh pane ki aur sanyansi siddhi pane ki kamna karte hai.

yun to haridvar ki jamin samatal hai. kintu har ki paurhi se dakshini disha ki or jahan men bajar, apar rod, moti bajar, sabji mandi, bhalla ror tatha riksha staind ke aspas ka bhag ki jamin ka dhalan dakshin disha se har ki paurhi ki taraf uttar disha ki or hai. vastushastra ke anusar dakshin disha men unchai ho aur uttar disha ki or dhalan ho vah sthan, bhavan, shahar prasiddhi pata hai. jaise jaypur ki pink siti vale bhag men dakshin se uttar ki or dhalan hai, gudganv men bhi dakshin disha se uttar disha ki or dhalan hai. taj mahal ke uttar disha men yamuna nadi bah rahi hai. uttar disha ki yah vastunukulta hi har ki paurhi vale kshetra ko vishesh prasiddhi dilane men atyadhik sahayak ho rahi hai.

har ki paurhi evan uske as-pas ki isi bhaugolik sthiti ke karan hi yahan ke ghaton ka saundarya vismayapurn hai jab jab rojana hajaro diye evan ganede ke ful pavitra jal par tairte hue pradipt hote hai. sandhyakal men suryast ke bad yahan hone vali ganga arti yahan ane vale paryatkon ke lie ek avismaraniya anubhav prapt hota hai.

feng shui siddhant

feng shui ka ek siddhant hai ki, yadi pahar ke madhya men koi bhavan bana ho, jiske piche pahar ki unchai ho, age ki taraf pahar ki dhalan ho, aur dhalan ke bad pani ka jharna, kund, talab, nadi ityadi ho, aisa bhavan prasiddhi pata hai aur sadiyon tak bana rahta hai. feng shui ke is siddhant men disha ka koi mahattva nahin hai. aisa bhavan kisi bhi disha men ho sakta hai. har ki paurhi ki pashchim disha men bilva parvat ki unchai hai. uske bad ganga sabha karyalay bhavan hai. fir paurhiyan hai aur uske bad har ki paurhi sthit brahm kund sthit bhagvan vishnu ka mandir hai. iske age purva disha ki or ganga nadi ki dharaen bah rahi hai. jo kramshah gahri hai.

is prakar har ki paurhi vastu evan feng shui donon siddhanton ke purnatah anurup hone se yah sthan bharat hi nahin vishvabhar men prasiddh hain.

Kya aapko lekh pasand aaya? Subscribe
Kya aapko lekh pasand aaya? Subscribe


pitri rin evan santan visheshank  September 2014

fyuchar samachar ke pitri rin evan santan visheshank men atyadhik gyanavardhak v janhitkari lekh jaise- pitri dosh athva pitri rin parichay, shraddh karmah kab, kyon aur kaise?, pitridosh sambandhi ashubh yog evan unke nivaran ke upay, santan hintaah karan aur nivaran, test tyub bebiah ek jyotishiya adhyayan tatha jyotish evan mahilaen adi sammalit kiye gaye hain. iske atirikt pathkon v karmakand ke vidvanon ke lie sankshipt tarpan tatha shraddh vidhi ki satik vyakhya ki gai hai. falakathan ke antargat kundali v santan sankhya, infartiliti, kariyar paricharcha, satya katha, panchapakshi ke rahasya, adi lekh patrika ki shobha barha rahe hain. santan prapti ke achuk upay, himalay ki santanotpadak jaributiyan, shabar mantra, bhagavat katha, nakshatra evan sambandhit dan, piramid ke svasthya upchar, hailth kaipsul, vastu paramarsh, vastu prashnottari, karmakand, piramid vastu v anya masik stambh bhi vishesh rochak hain.

Subscribe

Apne vichar vyakt karein

blog comments powered by Disqus
.