भगवानों के वाहन पशु ही क्यों होते हैं?

bhagvanon ke vahan pashu hi kyon hote hain?  

Sambandhit Lekh | Views : 7880 |  

kisi bhi mandir men jaie, kisi bhi bhagvan ko dekhie, unke sath ek chij samanya rup se judi hui hai, vah hai unke vahan.

lagabhag sabhi bhagvan ke vahan pashuon ko hi mana gaya hai. shiv ke nandi se lekar durga ke sher tak aur vishnu ke garudh se lekar indra ke airavat hathi tak. lagabhag sare devi-devta pashuon par hi savar hain.

akhir kyon sarvashaktiman bhagvanon ko pashuon ki savari ki avashyakta padi, jab ki ve to apni divyashaktiyon se palabhar men kahin bhi a-ja sakte hain? kyon har bhagvan ke sath koi pashu juda hua hai?

bhagvanon ke sath janvron ko jodne ke piche kai sare karan hain.

ismen adhyatmik, vaigyanik aur vyavharik karnon se bhartiya manishiyon ne bhagvanon ke vahnon ke rup pashu-pakshiyon ko joda hai. vastav men devtaon ke sath pashuon ko unke vyavhar ke anurup joda gaya hai.

dusra sabse bada karan hai prakriti ki raksha.

agar pashuon ko bhagvan ke sath nahin joda jata to shayad pashu ke prati hinsa ka vyavhar aur jyada hota.

har bhagvan ke sath ek pashu ko jodkr

bhartiya manishiyon ne prakriti aur usmen rahne vale jivon ki raksha ka ek sandesh diya hai. har pashu kisi n kisi bhagvan ka pratinidhi hai, unka vahan hai, islie inki hinsa nahin karni chahie. mult: iske piche ek yahi sandesh sabse bada hai.

apko kya lagta hai? ganesh ji ne chuhon ko yun hi chun liya? ya nandi shiv ki savari yun hi ban gae?

bhagvanon ne apni savari bahut hi vishesh rup se chuni. yahan tak ki unke vahan unki charitrik visheshtaon ko bhi batate hain... bhagvan ganesh aur mushak ganesh ji ka vahan hai mushak. mushak shabd sanskrit ke mush se bana hai jiska arth hai lutna ya churana. sanketik rup se manushya ka dimag mushak, churane vale yani chuhe jaisa hi hota hai. yah svarth bhav se gira hota hai. ganesh ji ka chuhe par baithna is bat ka sanket hai ki unhonne svarth par vijay pai hai aur janakalyan ke bhav ko apne bhitar jagrit kiya hai.

shiv aur nandi

jaise shiv bholebhale, sidhe chalne vale lekin kabhi-kabhi bhayankar krodh karne vale devta hain to unka vahan hain nandi bail. sanketon ki bhasha men bail shakti, astha v bharose ka pratik hota hai. iske atirikt bhagvan ke shiv ka charitra moh maya aur bhautik ichchaon se pare rahne vala bataya gaya hai. sanketik bhasha men bail yani nandi in visheshtaon ko puri tarah charitarth karte hain. islie shiv ka vahan nandi hain.

kartikey aur mayur

kartikey ka vahan hai mayur. ek katha ke anusar yah vahan unko bhagvan vishnu se bhent men mila tha. bhagvan vishnu ne kartikey ki sadhak kshamataon ko dekhakar unhen yah vahan diya tha, jiska sanketik arth tha ki apne chanchal man rupi mayur ko kartikey ne sadh liya hai. vahin ek anya katha men ise danbh ke nashak ke taur par kartikey ke sath bataya gaya hai.

man durga aur unka sher

durga tej, shakti aur samathrya ka pratik hai to unke sath sinh hai. sher pratik hai krurta, akramkta aur shaurya ka. yah tinon visheshtaen man durga ke acharan men bhi dekhne ko milti hai. yah bhi rochak hai ki sher ki dahad ko man durga ki dhvani hi mana jata hai, jiske age sansar ki baki sabhi avajen kamjor lagti hain.

man sarasvati aur hans

hans sanketon ki bhasha men pavitrata aur jigyasa ka pratik hai jo ki gyan ki devi man sarasvati ke lie sabse behatar vahan hai. man sarasvati ka hans par virajman hona yah batata hai ki gyan se hi jigyasa ko shant kiya ja sakta hai aur pavitrata ko jas ka tas rakha ja sakta hai.

bhagvan vishnu aur garud

garun pratik hain divya shaktiyon aur adhikar ke. bhagavad gita men kaha gaya hai ki bhagvan vishnu men hi sara sansar samaya hai. sunhre rang ka bade akar ka yah pakshi bhi isi or sanket karta hai. bhagvan vishnu ki divyata aur adhikar kshamata ke lie yah sabse sahi pratik hai.

man lakshmi aur ullu

man lakshmi ke vahan ullu ko sabse ajib chayan mana jata hai. kaha jata hai ki ullu thik se dekh nahin pata, lekin aisa sirf din ke samay hota hai. ullu shubhta aur dhan-sanpatti ke pratik hote hain.

aise hi baki devtaon ke sath bhi pashuon ko unke vyavhar aur svabhav ke adhar par joda gaya.

Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.