रत्नों द्वारा रोग मुक्ति एवं ग्रह शांति

ratnon dvara rog mukti evan grah shanti  

Ank ke aur Lekh | Sambandhit Lekh | Views : 477 |  
yah sarvavidit hai ki ratnon men daiviya shakti ka vas hota hai. in ratnon ka yadi uchit upyog kiya jae to anek rogon, kashton, badhaon adi se raksha ho sakti hai. yahan vibhinna ratnon aur unke prabhavon ka vishleshn prastut hai. manikya: yah ratn kisi bhi prakar ke vish ke prabhav ko dur kar deta hai. yah pleg ki bimari se raksha karta hai aur manushya ko dukhon se mukti dilata hai. iski ek bari visheshta yah hai ki dharanakarta ko vipatti ane se purva yah apne mul rang men parivartan karke uski suchna de deta hai. lal akik: yadi lal rang ka akik shuddh tanbe ke kare ya laeket men is prakar jarva liya jae ki vah tvacha ko sparsh karta rahe to dharanakarta ki mansik shaktiyon men vriddhi hoti hai v uska saubhagya barhta hai. sange-yashb: is ratn ko chandi ke laeket men is tarah jarva kar pahna jae ki tvacha ko sparsh karta rahe to jatak ke dil ki kamjori aur baicheni dur hogi aur sahas aur bal ka sanchar hoga. pukhraj: pukhraj ko dharan karne se pet aur netra vikar dur ho jate hain. iske atirikt dharanakarta men satvik gunon aur sadachar ki bhavna ka sanchar hota hai. yah ratn sabhi prakar ki bhut-pretadi badhaon se bhi mukti dilata hai aur pati-patni ke madhya samanjasya banae rakhne men bhi sahayk hota hai. firoja: yah ratn daiviya apdaon se raksha karta hai. opl: is ratn ko dharan karne se chathi indriya jagrat hoti hai. is ratna ki shakti se vyakti ke vyaktitva, charitra, vyavhar-kushlta tatha bhagya ka vikas hota hai. moti: amerika aur japan men logon ka vishvas hai ki shuddh moti ko dharan karne se sukhad aur shubh svapna ate hain. sath hi sath din bhar ki thakan bhi utrti hai. moti dharn karta ko mansik shanti evan saubhagya prapt hota hai. isse kai tarah ki jivndayini aushdhiyon ka nirman bhi hota hai. moti saundarya ka pratik hai. yah chandrama ka ratn hai jo man ka karak hai. atah man ki shanti hetu yah shubh hai. jvar aur mijaj ki garmi ko shant karne men moti sahayak hota hai. hira: hira dharan karne se sharir ka tej barhta hai. ismen sharir ke jvar ke tap harne ki samathrya hoti hai. hira dharan karne se yuddh men bhi raksha hoti hai. oneksa: ise dharan karne se pati-patni ke charitra nirman men sahayta milti hai aur dampatya jivan sukhmy rahta hai. ekvamerin: yadi koi vyakti apni patni ko bhent men ekvamerin de to dampatya jivan sukhamay hota hai. yah bhi prachlit manyata hai ki ekvamerin samudri yatraon men raksha tabij ke rup men chamatkarik fal deta hai. panna ka uparatn yashd: panne ke uparatn gahre hare rang ke yashad ko laeket ke rup men gale men dharan karne se akasmik vipattiyon, bhu-pret badhaon, buri najar, hridyghat, dil ki ghabrahat, tantra-mantra, jadu-tona adi se raksha hoti hai. sulemani patthara: bahucharchit muslim ratn sulemani patthar kisi bhi ravivar ya manglvar ko shubh muhurt men pavitra jal se dhokar, loban, dhup ki dhuni dekar svachch man se pavitratapurvak dharn karne se akasmik vipattiyon, bhut-pret badhaon, buri najar, ulkapat, bijli v agnibhay adi se raksha hoti hai. jed: yah thakavat dur kar ayu barhata hai. gurde ki bimari se mukti dilane men yah ram ban hai. garnet: garnet har prakar ke jahar se bachata hai. yah mansik chintaen dur karta hai aur daravne evan bhayank sapne nahin ane deta hai. ise dharn karne se tufan ya bijli girne se hani nahin pahunchti tatha yatra bhi bina kasht ke hoti hai. lal garnet bukhar aur pila garnet piliya se raksha karta hai. munga: manuge ke mankon ki mala durbhagya v buri nazar se bachne tatha sadaiv svastha rahne ke lie dharan ki jati hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  June 2006

nirjala ekadshi vrat atithi satkar sevavrat varsha ka purvanuman : jyotishiya drishti se pramod mahajan alvida

Subscribe

Apne vichar vyakt karein

blog comments powered by Disqus
.