पारिवारिक कलह : कारण एवं निवारण

parivarik kalah : karan evan nivarn  

Ank ke aur Lekh | Sambandhit Lekh | Views : 5503 |  
parivarik kalh: karan evan nivaran jyatish men saptam bhav apne sathi ka bhav mana gaya hai- vah jivan sathi ho ya vyapar mane sajhedar. saptam bhavesh lagnesh ka sarvada shatru hota hai. jaise mesh, lagn ke lie lagnesh hua mangal evan saptamesh hua shukra aur donon men apas men shatruta hai. shayad hamare rishi muniyon ko yah gyat tha ki sath men karya karne valon men matbhed hota hi hai, islie unhonne is prakar ke jyotish yogon ka nirman kiya. yadi adhyatmik drishti se vichar kiya jae to pratyek vyakti apne svabhav se bandha hua hai. iske viprit chalne men use kasht hota hai. sath hi dusre ko bhi vah apne svabhav ke samanantar chalane ki koshish karta hai. yah prakriti ka ek niyam hai. lekin do vyaktiyon ke svabhav apas men kitne bhinn hain yah jyotish dvara donon ke lagnon evan rashiyon ke madhyam se gyat kiya ja sakta hai. isse sanbaddh kuch tathya is prakar hain: û yadi lagn ek dusre ke 3-11 ho to apsi samajasya uttam rahta hai. ek lagn dusre ko mitra manta hai to dusra pahle ko apna parakram arthat kasht ka sathi. jaise mesh lagn ke lie mithun lagn uska parakram ka sath hai evan kunbh lagn uska mitra. û lagnon men 4-10 ka sanbandh bhi uttam rahta hai, lekin vyaparik men sajhedari yah sanbandh ati uttam paya gaya hai. jiska lagn dasham bhav men ho, vah karmashil rahta hai aur jiska chaithe men ho, vah arthik v mansik sahayta dvara apna yogdan deta hai. jaise mesh v kark lagnon ki sajhedari men kark lagn mesh ke chaithe bhav men parta hai, atah mesh lagn ke jatak ke lie kark lagn ka jatak arthik v mansik sahayta pradan karega aur kark lagn ke lie mesh lagn vala jatak karm dvara apne karyabhar sanbh¬alega. û navm-pancham sanbandh bhi shubh fal pradan karta hai. lekin jis jatak ka lagn dusre ke navam ka suchak hota hai, vah apne sathi ke lie sarvada bhagya ka suchak rahta hai evan sathi ko har prakar ka sukh pahunchata hai. iske viprit pancham karak jatak apne sathi ke lie pita jaisa vyavhar to rakhta hai, lekin sathi se sarvada lene ki bhavna bhi rakhta hai. is prakar mesh lagn ke lie sinh lagn shubh hote hue bhi labh ki sthiti men rahta hai jabki mesh lagn sinh se navam hone ke karan uske lie sarvada labhkari rahta hai. dvidrvadash sanbandh sarvada ashubh mana gaya hai, lekin ismen bhi dusre bhav men parne vala lagn shubhdayak rahta hai evan dvadash men parne vala ashubh jaise mesh ke lie vrish shubh evan min ashubh. shadashtak sanbandh adhikanshtah kalah ka karan bante hain. samasaptak sanbandh arthat ek lagn ya saptam lagn ek sadharan sanbandh ki or hi sanket karta hai. is sthiti men ek jatak dusre jatak ko ati mahatvapurn evan abhinn sathi samjhta hai, lekin sath rahne par kisi n kisi karanavash vaimanasyata utpann ho jati hai. uparyukt sabhi fal rashi ke anusar bhi ghatit hote hain. gun milan men uparyukt falon ki bhakut dosh ke dvara jana jata hai. uparyukt tathyon ka pita-putra, bhai-bahan, pati-patni evan naukr-malik ke sanbandhon ko janne men bhi upyog kiya ja sakta hai. kundli milan men ashtakut milan evan mangal dosh milan ko prathmikta di gai hai. ashtakut gun milan men varn evan vashya milan karyashaili ko darshata hai. tara se unke bhagya ki vriddhi men apsi sanbandh ka pata chalta hai. yoni-milan se unke sharirik sanbandhon ki jankari milti hai. grah maitri svabhav men sahishnuta ko darshata hai. gan maitri se unka vyavhar, bhakut se apsi sanbandh evan nari se unke svasthya aur santan ke bare men jana jata hai. uparyukt asht gunon men keval grah maitri evan bhakut hi aise do gun hain jo apsi sanbandh ko darshate hain. anya gun jivan ki anya bhautiktaon ko pura karne men sahayak hote hain. mangal dosh milan bhi unke anya sanbandhon ke bare men sanket n dekar vaivahik jivan ka sanket deta hai. atah parivar men yadi sabhi sadasyon ka apas men dvidrvadash ya shadashtak sanbandh n ho to parivarik kalah ki sanbhavnaen kam rahti hain. kalah nivaran ke lie nimnalikhit upayon ko upyog men laya ja sakta hai. purush varg panch mukhi rudrakshon ki mala men ek mukhi, ath mukhi v pandrah mukhi rudraksh dalakar dharan karen. is mala par pratidin pratah ¬ namah shivay mantra ka jap karen. patni mang bharen, lal bindi lagaen aur churiyan dharan karen. ghar men vighnaharta shri ganesh yantra sthapit karen. ‘¬ namah shivashaktisvarupay mam grihe shanti kuru kuru svaha’ mantra ka jap karen. sfatik shriyantra ki pran pratishtha kar sthapit karen. pati-patni bich kalah ko dur karne ke lie gauri shankar rudraksh dharan karna uttam faldayak hota hai. pani se bhare chandi ke lote ya gilas men chandramni dalakar vah pani parivar ke jis sadasya ko krodh adhik ata ho use pilaen. vastu dosh ko dur karne ke lie ek kalash men pani bharakar use nariyal se dhakakar ishan kon men sthapit karen aur uska jal pratidin badlte rahen. tatparya yah ki parivar men kalah ki sanbhavna hamesha rahti hai. iske kai karan ho sakte hain, kintu yadi astha aur nishthapurvak inke nivaran ke upay kie jaen to kalah se mukti avashya mil sakti hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  July 2006

parivarik kalah : karan evan nivaran arakshan par prabhavi hai shani sone-chandi men teji la rahe hai guru aur shukra kalah kyon hoti hai

Subscribe

Apne vichar vyakt karein

blog comments powered by Disqus
.