रोजगार प्राप्त करने के उपाय

rojgar prapt karne ke upay  

Ank ke aur Lekh | Sambandhit Lekh | Views : 6681 |  
rojgar prapt karne ke upay nur chaidhri ajakal rojgar milne bahut mushkil hote ja rahe hain. yahan rojgar hasil karne ke kuch aise upay prastut hain jinke karne se rojgar prapt hota hai. in upayon ko ap jitni shraddha aur vishvas se karenge ye utna hi shighra fal denge. upay: kisi shubh samay men pile rang ke kapre pahanakar pashchim disha ki or munh karke ek patte par chane ki dal ki ek dheri banakar us par tanbe ke kalash men jal bharakar uske upar katori rakhane. usmen ek parad moti, sat abhimantrit dhan karak konriyan, ek hakik, ek moti shankh v 3 laghu nariyal rakhen. hakik mala se nimnalikhit mantra ka 11 mala jap karen. mantra: ‘‘un shrin shrin klin klin gan ganptye var varday namah’’ jap ke bad kalash ke jal ko tulsi ke paudhe men dal den aur kuch samay men chamatkar dekhen. shuklapaksh ke pahle ravivar se is upay ko shuru karen. suryoday kal men sir gilakar 11 mala gayatri mantra ka jap karen. yah ap lagatar 40 din karen aur jitni bhavna se yah upay karenge fal bhi utni jaldi milenge. jab kabhi ap kisi intaravyu ke lie ja rahe hain, to usse pahle vale ravivar ko suryoday ke samay jal men gur milakar surya ko arpit karen. fir kachche sut ko lekar ‘‘un gan ganptye namah’’ ka jap karen. 108 bar jap khatm hone ke bad ap sut men ek ganth laga den. is prakar 11 ganth lagane ke bad us dhage ko mala ka rup de den. ab ap shri ganesh ji se nivedan karen, ki apko intaravyu men saflta mile aur ap yah mala unko arpit karen aur mala shuddh sthan par rakh den. jab apki manokamna puri ho jaye, ganesh ji ko modak ka bhog aur mala arpit kar den. jab ghar ka koi manushya intaravyu ke liye ja raha ho, to use dahi ke sath shakkar khilakar vida karen. jab vah mukhyadar par ho, to us par sabut mung ke dane fenken. yadi kuch dane sir par rah jayen to unhen nikalen nahin. jab vah chala jaye to danon ko jhadu se ekatrit kar bahar fenk den, labh hoga. kisi shubh samay men shriram darbar ki tasvir ke samne baithakar moti dhup aur itne ghi ka dipak arpit karen ki vah kam se kam 3 ghante tak jalta rahe aur is mantra ka jap karen- ‘‘vishva bharn-poshan kar joi. tapar nam bharat as hoi’’ ka 1001 bar jap karen. purn hone ke bad kisi gay ko hari ghas khila den. kuch hi samay men prabhav dikhai dene lagega. agar ap kafi samay se berojgar hain, to is prayog ko lagatar 21 din tak karen. isse apko avashya hi rojgar milega. shuklapaksh ke pahle manglvar ko ap kisi siddh dakshinmukhi hanuman ji ke mandir men sindur tatha chola arpit karen, 108 parikrama lagaen. pratyek parikrama men hanuman chalisa ka path karen. chahe unke charnon men baithakar 3-3 bar shri hanumanashtak, bajrang ban tatha shri hanuman bahuk ka pathakar lal munge ki mala se is mantra ka jap karen. ‘‘kavan so kaj kathin jag mahi. jo nahin hoi tat tumh pahi’’ iska 11 mala jap karen tatha hanuman ji se nivedan karen. kuch hi samay men ish kripa se apko rojgar mil jayega.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.