शिव के अष्टरूप

shiv ke ashtarup  

Sambandhit Lekh | Views : 2474 |  

shiv ke ashtarup nirantar seva men sanlagn hai.

☆jal ☆

☆agni☆

☆yajman☆

☆surya☆

☆chandrama☆

☆akash☆

☆prithvi☆

☆vayu☆

  1. ☆ shiv ka pratham rup srishti hai. srishti arthat jal jo vidhata ki sarvapratham rachna hai. islie jal hi jivan hai. jal ke bina jiv jagat ki raksha nahin ho sakti. atah yah shivji ka rup nirantar seva men sanlagn rahta hai.
  2. ☆ shiv ka dvitiya rup agni hai jo yagya men vidhipurvak havan ki gai havan samagri ko grahan karti hai. atah shiv ka rup agni yagya ke dhum se utpan vatavaran ko shuddh karta hai aur praniyon ke vibhinn rogon ko nasht kar nirantar jiv jagat ki seva men sanlagn hai
  3. ☆ shiv ka tritiya rup yajman hai jo yagya havan karta hai. srishti ke karm yagya hai aur yagyaon ka karta yajman hai. atah ye shiv ka rup yajman yagya ke dhum se jagat pradushan nasht kar nirantar seva men sanlagn rahta hai.
  4. ☆ shiv ka chaturthan rup surya hai jo jiv jagat ka netra hai jisse samast sansar prakshit hota hai. surya hi sansar ki atma hai. inhin ke karan sansar ki samast gatividhiyan chalti hai. atah yah shiv ka rup surya jiv jagat ko prakshit karta hua nirantar sanlagn rahta hai.
  5. ☆ shiv ka pancham rup chandra hai jo ratri ka vidhan karta hai. chandra nishapti aur aushdhipti hai. shiv ka ye rup aushdhi yon men rason ka sanchar karta hua ratri ko prakshit kar ji von ko vishram deta hua seva men sanlagn rahta hai.
  6. ☆ shiv ka chatha rup akash hai jo samast vishva ko vyapt kar sthit hai ismen anant brahmand aur anek gangaen samahit hai. ismen shravan shakti vidyaman hai. ismen hi shabd gunjte hain. yah samast jiv jagat ko shravan shakti pra dan karta hua nirantar seva men salagn hain.
  7. ☆ shiv ka saptam rup prithvi hai jo samast jivon ki janni hai. annadi bijon se praniyo ki bhukh shant hoti hai. atah shiv ka ye rup prithvi samast jiv jagat ka bhar vahan karti hai aur annadi se jivon ki raksha karti hui nirantar seva men sanlagn hai.
  8. ☆ shiv ka ashtam rup vayu hai jo samast vishva ka pran hai. yadi vayu n ho to jiv jagat nishpran hai. praniyon men vayu shvas hi to jivan hai atah bhagvan shiv ka ashtam rup vayu praniyon ke sharir men pran dan karta hua nirantar seva men sanlagn rahta hai.

☆ shiva hi adhi aur ant hai.

☆ shiva ki in sevaon ka labh lete hue hamen yad rakhna chahie ki seva bhav se kiya koi bhi karya hamen kahin n kahin atmashanti atmasantushti deta hai. shiva ne apni sevaon ki raksha ke lie halahal piya aur nilkanth kahlae kya itna samarpan ham shiv anshon men hain.

☆kyon ham dvesh aur badle ki bhavna men ek dusre ko kat rahe hain. kyon nahin ham us param pita parmeshvar shiva ki tarah seva aur dene ki bhavna sikhte.

om shiva om

☆ shivo guru:shivo dev:shivo bandhu:sharirinam.
☆shiv atma shivo jiv:shivadanyanan kichchan..

☆bhagvan shiv guru hai,shiv devta hai aur shiv hi samast praniyon ke ek matra hitaishi ev bandhu hai. shiv hi atma hai aur shiv hi jivanasvarup pratishthit hai. shiv se bhinn kuch dusra nahin hai. sabhi vidyaon ke ishvar, vidyatirth bhagvan shrisamb sadashiv aur unka pavan nam sabhi kalyanon ko dene vala aur sabhi amanglon ko dur karnevala hai. jis prakar bhagvan ka nam-rup, lila aur dham param kalyankarak hai. vaise hi unki madhur vani bhi param kalyankarak hai.

☆ jivon ke atyantik kalyan ke lie tatha lokjivan ke upasargamay seva darshan ke lie hi ve sagun sakar rup men sashaktik abhivyakt hote hain aur apni rahni karni se udant jivanacharya ki sikh dete hain n keval shiv ki shivamay vani, apitu unki charya bhi sachchi sikh pra dan karnevali hai.

☆unhonne n keval apni vani se hi, apitu maun vyakhyan se, apni samadhibhasha se, apni ingit cheshtaon se aur apne vyavhar se sevamay jivan ki shiksha pra dan ki hai. unke maun vyakhyan men, unki samdhi bhasha men, unki nrityamudra men, unke anugrahamay shant shivasvarup men aur unke vibhuti dharan men utkrisht sadhna path ka nidesh samahit hai. jo bhagvan shiv ke jivanadarshan ko, unke vachan mantron ko, unki agya ko, unke paramarsh ko apne jivan men utar leta hai. suchmuch vah sam darshan men pratishthit ho jata hai aur shivasvarup hi ho jata hai. jaise bhagvan shiv anadinidhan hai, vaise hi unka bodh bhi anadinidhan hai.

Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.