ank 4 vyakti ke janmank athva namank se sanbandh rakhta hai to vyakti ko vyavsay ki or jane ke lie ruchi paida karta hai. yahi nahin svasthya se lekar vyakti ka vikas kafi akarshak tatha lubhavna rahta hai, tarka-vitark ki bhavna prabal rahti hai v sahyog ki bhavna adhik dekhne ko milti hai. apne lakshya ko dhan, vyavsay, udyog dhandhe ke prati lagate hain. yadi naukri karte hain to santusht nahin rah pate hain tatha ek safal vyavsayi ke rup men apni pahchan banane men safal rahte hain.
yah ank jahan vyakti ko vyavsayik evan bahul vyavsayi banata hai to dusri taraf prem prasangon ki or bhi akarshit karta hai tatha parivarik jivan men 31 sal tak utar-charhav, man-mutav ho sakta hai. atah satarkata bartni chahie. janmank men ank 4 ki upasthiti achchi yogyata ko bhi darshata hai. takniki kshetra men iska mahatva hai. ank 4 ki upasthiti ank 1-7 se sanbandh men arthik kshetra men tarakki ka karak banta hai. vyakti nishchit taur par arthik rup se sanpann rahta hai.
kintu yahi ank athva janmank 4 ank 3, 6 athva 8 ke sath sanbandh banata ho athva ank 3 v 6 ki punravriÿia 2 ya adhik bar hone par 41 varsh bad mansik pareshani chinta, tanav deta hai. atah janmank 4 ko 8 evan 9 se bachna chahie. jo lanbe samay ke lie ashubh prabhav deta hai. mahine ki 4, 13, 22, 31 tarikh ka mulank 4 hota hai. ank 4 ka jhukav ya akarshan janmank 1, 2, evan 8 ke prati svabhavik hai kyaneki ank 4 ka pratinidhi rahu hone ke karan iska rang kuch nila hota hai.
jyotish chikitsa men charm rog, ghav men yah vishesh upyogi sabit hota hai. jyotish men bhi rahu se chandrama ashubh prabhav hone par tatha chaithe tatha panchve ghar ka karak ho to nimoniya, khansi, sardi tatha mansik tanav deta hai. aisi paristhiti men moti ya gomed ek sath pahnne se pahle jyotish salah labhkari rahegi.