दत्तात्रेय भगवान, हिन्दू धर्म की त्रिवेणी

dattatrey bhagvan, hindu dharm ki triveni  

Sambandhit Lekh | Views : 1299 |  

brahman aur shramnon men hi shuruat men bharat men do dharaen thi pahli ved ki aur dusri tantra ki. ved aur tantra men virodh raha hai. ved se vaishnav aur tantra se shaiv sampraday ki utpatti mani jati hai.

bhagvan dattatrey ne ved aur tantra marg ka vilay kiya tha. iske alava brahm vidya ka prachar bhi kiya tha. is tarah unmen tinon hi dharaen samahit ho jati hai. unke tin shishya the jo tinon hi raja the. do yauddha jati se the to ek asur jati se.

dattatrey ko shiv ka avtar mana jata hai, lekin vaishnavajan unhen vishnu ke anshavtar ke rup men mante hain. mult: unhonne shaiv, vaishnav aur shakt dharm ko ek karne ka karya bhi kiya. unke shishyon men bhagvan parshuram ka bhi nam liya jata hai. tin dharm (vaishnav, shaiv aur shakta) ke sangam sthal ke rup men tripura men unhonne logon ko shiksha-diksha di.

tantra se jude hone ke karan dattatrey ko nath paranpra aur sanpraday ka agraj mana jata hai. is nath sanpraday ki bhavishya men anek shakhaen nirman hui. unmen se ek bhagvan dattatrey se shuru hone vali malika p.pu. svami narendracharyaji tak nimnalikhit rup se ai hai. bhagvan dattatrey navnath sanpraday se sanbodhit kiya gaya hai.

rochak katha (dattatreya story) :

nardji jab lakshmi, sarasvati aur parvati ke pas pahunche aur unhen atri mahamuni ki patni anusuya ke asadharan pativratya ke bare men bataya tab is par tinon deviyon ke man men anusuya ke prati irshya ka janm hone laga. tinon deviyon ne sati anusuya ke pativratya ko khandit karne ke lie apne patiyon ko uske pas bheja.

vishesh agrah par brahma, vishnu aur mahesh ne sati anusuya ke satitva aur brahm shakti ki parakh karne ki sochi. jab atri rishi ashram se kahi bahar gae the tab brahma, vishnu aur mahesh yatiyon ka bhesh dharan karke atri rishi ke ashram men pahunche aur bhiksha mangne lage.

atithi-satkar ki paranpra ke chalte sati anusuya ne trimurtiyon ka uchit rup se svagat karke unhen khane ke lie nimantrit kiya. lekin yatiyon ke bhesh men trimurtiyon ne ek svar men kaha, ‘he sadhvi, hamara ek niyam hai ki jab tum nagn hokar bhojan parosogi, tabhi ham bhojan karenge.'

anusuya ne 'jaisi apki ichcha' yah kahte hae yatiyon par jal chidak kar tinon ko tin pyare shishuon ke rup men badal diya. tab anusuya ke hriday men matritva bhav umar para. fir shishuon ko dudh-bhat khilaya aur tinon ko god men sulaya to tinon gahri nind men so gae.

anusuya mata ne tinon ko jhule men sula kar kaha- ‘tinon lokon par shasan karne vale trimurti mere shishu ban gae, mere bhagya ko kya kaha jae. fir vah madhur kanth se lori gane lagi.

usi samay kahin se ek safed bail ashram men pahuncha, ek vishal garur pankh farfrate hue ashram par urne laga aur ek rajhans kamal ko chonch men lie hue aya aur akar dvar par utar gaya. yah najara dekhakar narad, lakshmi, sarasvati aur parvati a pahunche.

narad ne vinypurvak anusuya se kaha, ‘mate, apne patiyon se sanbandhit praniyon ko apke dvar par dekhakar ye tinon deviyan yahan par a gai hain. ye apne patiyon ko dhundh rahi thi. inke patiyon ko kripya inhen saunp dijie.'

anusuya ne tinon deviyon ko pranam karke kaha, ‘mataon, jhulon men sone vale shishu agar apke pati hain to inko ap le ja sakti hain', lekin jab tinon deviyon ne tinon shishuon ko dekha to ek saman lagne vale ve tinon shishu gahri nidra men so rahe the. is par lakshmi, sarasvati aur parvati bhramit hone lagin.

narad ne unki sthiti janakar unse pucha- ‘ap kya apne pati ko pahchan nahin saktin? 'kripya ap hasya ka patra n banen aur jaldi se apne-apne pati ko god men utha lijie.'

deviyon ne jaldi men ek-ek shishu ko utha liya. ve shishu ek sath trimurtiyon ke rup men khade ho gae. tab unhen malum hua ki sarasvati ne shivji ko, lakshmi ne brahma ko aur parvati ne vishnu ko utha liya hai. tinon deviyan sharminda hokar dur ja khari ho gain.

usi samay atri maharshi apne ghar laut ae. apne ghar trimurtiyon ko pakar hath jorne lage. tabhi brahma, vishnu aur maheshvar ne ek hokar dattatrey rup dharan kiya. ukt katha ko dattatrey ke janm se jodakar bhi dekha jata hai.

Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.