नवरात्रे पर्व २०१२ मां दुर्गा के नौ रूपों का पूजन पर्व

navratre parva 2012 man durga ke nau rupon ka pujan parva  

Sambandhit Lekh | Views : 4353 |  

varsh 2012 men 23 march se 1 aprail 2012 ka samay navratron ka rahega. navratri hinduon ka ek prasidd parva hai. navratri ka shabdik arth nav+ratri arthat naun ratriyan hai. ashvin shukla paksh ke pratham nau dinon tak mata durga ke nau rupon ki puja-aradhna ki jati hai. yah parva utar bharat men vishesh rup se utsah aur shraddh ke sath manaya jata hai.

navratri ke nau dinon men jap karne se man durga prasann hoti hai. aur bhakton ki sabhi manokamnaen puri hoti hai. ek varsh men char navratron ka varnan milta hai. do gupt tatha do pratyaksh.

pratyaksh navratron men ek ko shardiya v dusre ko vasantik navratra kaha jata hai. devi shakti aur uske vibhinn rupon ki puja ke lie bharat vishvabhar men prasidd hai. navratri gujrat aur pashchim bangal men vishesh parva ke rup men manai jati hai. navratre par upvas kar ratri men mata ki aradhna karna kalyankari mana gaya hai.

pratham navratra - mata shailputri

pratham din mata shailputri ki puja ki jati hai. shailputri ke puja se upvas shuru hokar naven din siddhidatri ki puja ke sath samapt hote hai. pratham din vrat sankalp, kalash sthapna ka din hota hai. bhakt jan pratham din devi sati ke rup shailputri ka vidhi-vidhan se pujan karte hai. devi ki puja men lal rang ki vastuon ka vishesh mahatva hai. vrat ke din fal, dudh, sabudana vyanjan, alu vyanjan aur sendha namak ka prayog sevan ke lie kiya jata hai.

pratham navratre ke din bhakt upvas karne ke bad, durga ji ki arti karke, tanbe ka shailputri mata ka chitrayukt bisa yantra bhakton men bante par vishesh punya fal prapt kar sakte hai.

dvitiya navratra - mata brahmacharini

dusre navratre ke din mata brahmacharini ki puja ki jati hai. man durga ka dusra svarup unke bhakton ko anant fal dene vala hai. is din mandiron men brahmacharini devi ke darshanon ke lie bhakton men vishesh utsah dekha jata hai.

tritiya navratra - mata chandraghanta

nav durga pujan ke tisre din man durga ke tisre svarup chandraghanta ke sharnagat hokar upasna, aradhna men tatpar hon, to samast sansarik kashton se vimukt ho kar, sahaj hi param pad ke adhikari ban sakte hai.

chautha navratra - mata kushmanda

man durga pujan ke chothe din man durga ke chauthe svarup kushmanda ki upasna ki jati hai. kushmanda devi ka dhyan karne se apni laukik-parlaukik unnati chahne valon par inki vishesh kripa hoti hai.

panchva navratra - skand mata

pancham nav ratri ko skand mata ki puja ki jati hai. nav durga pujan ke panchve din man durga ke panchve svarup-skandmata ki upasna karni chahie. skandmata ka dhyan karne se sadhak, is bhavsagar ke du:khon se mukt hokar, moksh ko prapt karta hai.

shasht navratra - katyayni mata

chathe nav ratri ko katyayni mata ki puja ki jati hai. katyayni mata ke dvara bari sarlta se arth, dharm, kam aur moksh charon falon ki prapti ho jati hai.

saptam navratra - kalratri mata

saptam navratri ko kalratri mata ki puja ki jati hai. mata kalratri ka dhyan karne se sadhak ko inki upasna se hone vale falon ki ganna nahin ki ja sakti. mata kal-ratri ka pujan karne se sadhak ko mrityu ka bhay nahin rahta hai.

ashtam nav ratri – mahagauri mata

mata sati ka athvan rup mahagauri hai. ashtam navratri ko mahagauri mata ki puja ki jati hai. mahagauri mata ka dhyan karne vale sadhak ke lie asanbhav karya bhi sanbhav ho jate hai.

navam nav ratri - siddhidatri mata

navam nav ratri ko siddhidatri mata ki puja ki jati hai. mata siddhidatri ki upasna se is sansar ki vastavikta ka bodh hota hai. vastavikta param shantidayak amrit pad ki aur le jane vali hoti hai.

navratron ki praptiyan

pratham devi se

shatruon par purn vijay, rajya badha nivaran, sabhi prakar ke bhay dur v rogon ki samapti.

dvitiya devi se

atulniya unnati, buddhi, gyan, shakti, vijay, akal mrityu- durghatana ke nivaran hetu, akasmik dhan prapti v atulniya vyapar vriddhi.

tritiya devi se

purusharth, saundarya, parakram, arogya, vashikaran shakti, dirghayu v grahasth sukh ke lie.

chaturth devi se

dhan sanpda, aishvarya, saubhagya, adhyatmik v bhautik unnati.

panchmi devi se

papon ka nash, kashton ka nivaran, naukri badha samapt rajnaitik star par saflta, lauhe ke saman dridhta v vak siddhi.

shashthi devi se

bhay, sharirik durbalata, bhut pret badha, shatruon ke nivaran hetu, atmavishvas, bal, virya v purusharth men vriddhi.

saptami devi se

suraksha kavach pradan karti hai. santan, vyapar raksha pradan karti hai.

ashtami devi se

lakshmi, dhan ki devi, daridrata nivaran, sukh, vaibhav, saubhagya, anayas dhan, purusharth, svarn, sanpti, vahan, bhavan, vyapar, man-samman prapt hota hai.

navmi devi se

duahkh, kasht, shatru, badhaon ki samapti, abhay v purusharth pradan karti hai.


kaise banaen navratri navratri pujan vidhi

23 march se 1 aprail 2012 ka samay shakti ki shaktiyon ko jagane ke din honge. in dinon men devi ki puja karne se devi ki kripa prapt hoti hai. durga mata ke nau rup hai. jinke nam is prakar hai.

shailputri, brahmacharini, chandraghanta, kushmanda, skandmata, katyayani, kalratri, mahagauri, siddhidatri.

navratri ke pratyek din shakti ke ek rup ki puja ki jati hai. pratham din shailputri tatha navam din siddhidatri devi ki puja ki jati hai. devi shakti apne bhakton ko ashirvad de, unki sabhi ichchaon ki purti karti hai.

navratri pujan vidhi

navratri ki pratipda ke din prat: snan karke ghat sthapna ke bad sankalp lekar durga ki murti ya chitra ki shodshopchar ya panchopchar se gandh, pushp, dhup, dip, naivedya adi nivedit kar puja kare. mukh purva ya utar disha ki aur rakhen.

shuddh pavitra asan grahan kar ‘un dun durgaye nam:’ mantra ka rudraksh ya chandan ki mala se panch ya kam se kam ek mala jap kar apna manorath nivedit karen. puri navratri pratidin jap karne se man durga prasann hoti hai.

navratri ki purva sandhya men sadhak ko man se yah sankalp lena chahie, ki mujhe shakti ki upasna karni hai. use chahie ki vah ratri men bhumi par shayan karen. prat:kal uthakar bhagvti ka smaran kar hi nitya kriya prarambh karni chahie. nitigat karyon se judakar anitigat karyon ki upeksha karni chahie. ahar satvik lena aur acharan pavitra rakhna chahie.

pujan karte samay man ekagrachit hona chahie. yadi sanbhav ho to nitya shrimadbhagavat, gita, devi bhagavat adi granthon ka adhyayan karna chahie. isse man durga ki puja men man achchi tarah lagega. jinke parivar men sharirik, mansik ya arthik kisi bhi prakar ki samasya ho, ve man durga se raksha ki kamna karen. isse unhen chinta se mukti milegi.

navratri pujan men dhyan rakhne yogya baten

mata ki puja men durva, tulsi, anvla, ak aur madar ke ful arpit nahin kiye jate hai. lal rang ke fulon v rang ka atyadhik prayog karna shubh rahta hai. lal ful navratra ke har din man durga ko arpit karen. shastron ke anusar ghar men man durga ki do ya tin murtiyan rakhna ashubh mana jata hai. man durga ki puja sadaiv sukhe vastra pahnakar hi karni chahie. pujan adi ke samay bal bhi khule nahin hone chahie. ashvin shukla paksh ke pratham nau din shri durga saptashati ka path manorath siddhi ke lie kiya jata hai.

Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.