ध्यान के कमल

dhyan ke kaml  

Ank ke aur Lekh | Sambandhit Lekh | Views : 918 |  
dhyan men svayan ke sankalp ke abhav ke atirikt aur koi badha nahin hai. yadi ap dhyan men jana hi chahte hain to duniya ki koi bhi shakti apko dhyan men jane se nahin rok sakti hai. islie agar dhyan men jane men badha parti ho to janna ki apke sankalp men hi kami hai. shayad ap jana hi nahin chahte hain. ...... dusri bat, dhyan men agar koi kutuhalavash jana chahta ho to kabhi nahin ja sakega. sirf kutuhlvsh- ki dekhen kya hota hai? itni bachkani ichcha se kabhi koi dhyan men nahin ja sakega. n, jise aisa laga ho ki bina dhyan ke mera jivan vyarth gaya hai. ‘dekhen, dhyan men kya hota hai?’ aisa nahin; bina dhyan ke mainne dekh liya ki kuch bhi nahin hota hai aur ab mujhe dhyan men jana hi hai, dhyan ke atirikt ab mere pas koi vikalp nahin hai- aise nirnay ke sath hi agar jaenge to ja sakege. kyonki dhyan bari chalang hai. usmen puri shakti laga kar hi kudna parta hai. kutuhal men puri shakti ki koi jarurat nahin hoti. kutuhal to aisa hai ki parosi ke darvaje ke pas kan laga kar sun liya ki kya batchit chal rahi hai. apne raste chale gae. kisi ki khirki men jara jhank kar dekh liya ki bhitar kya ho raha hai; apne raste chale gae. vah koi apke jivan ki dhara nahin hai. us par apka koi jivan tikne vala nahin hai. lekin ham kutuhalavash bahut si baten kar lete hain. dhyan kutuhal nahin hai. to akeli kyuriasiti agar hai to kam nahin hoga. inkvayri chahie. tau main apse kahna chahunga ki ap bina dhyan ke to jikar dekh lie hain- koi tis sal, koi chalis sal, koi sattar sal. kya ab bhi bina dhyan men hi jine ki akanksha shesh hai? kya pa liya hai? to laut kar apne jivan ko ek bar dekh len ki bina dhyan ke kuch paya to nahin hai. dhan pa liya hoga, yash pa liya hoga. fir bhi bhitar sab rikt aur khali hai. kuch paya nahin hai. hath abhi bhi khali hai. aur jinhonne bhi jana hai, ve kahte hain ki dhyan ke atirikt vah mani milti nahin, vah ratan milta nahin, jise pane par lagta hai ki ab pane ki aur koi jarurat n rahi, sab pa liya. to dhyan ko kutuhal nahin, mumuksha- bahut gahri pyas, abhipsa agar banaenge, to hi pravesh kar paenge. .... dhyan manushya ki atyantik sanbhavna hai, akhiri sanbhavna hai. vah jo manushya ka bij ful banta hai, vahi ful hai dhyan, jahan manushya khilta hai, uski pankhuriyan khulti hain aur uski sugandh parmatma ke charnon men samarpit hoti hai. dhyan akhiri sanbhavna hai manushya ke chit ki. use to hokar hi jana ja sakega. koi bij ful ke sanbandh men kitni hi khabar sun le, to bhi ful ko nahin jan paega, jab tak ki tute nahin aur ful n ban jae. aur ful ke sanbandh men suni gai khabron men ful ki sugandh nahin ho sakti hai. aur ful ke sanbandh men suni gai khabron men ful ka khilna aur vah anand, vah eksataisi, vah samadhi nahin ho sakti hai. bij kitni hi khabren sune fulon ke bavat, bij ko kuch bhi pata n chalega, jab tak svayan n tute, ankurit n ho, bara n ho, akash men patton ko n failae, suraj ki kirnon ko n pie aur khilne ki taraf svayan n barhe.
Kya aapko lekh pasand aaya? Subscribe
Kya aapko lekh pasand aaya? Subscribe


svapn evan shakun visheshank  June 2010

is visheshank se svapn ke vaigyanik adhar, svapn ki prakriya, sapnon ka sach, svapneshvari devi sadhna, svapnon ke arth ke atirikt shakun-apshkun adi vishyon ki jankari prapt ki ja sakti hai.is visheshank men shri arun bansal ka sapnon ka sach namak sanpadkiya atyant lokapriya hua.aj hi le aen lokapriya svapn evan shakun visheshank tatha iske falit vichar namak stanbh men parhe svatantra vyavsay ke grah yogon ki vivechna.

Subscribe

Apne vichar vyakt karein

blog comments powered by Disqus
.