कन्यादान - गुप्तदान

kanyadan - guptadan  

Sambandhit Lekh | Views : 1579 |  

samajik man maryada, parivarik mulya evan paramparaon ka yahi mahatva hai jisse manav samaj men ek rupta, layabaddhata evan samrsta bani hai.

hindu dharm men; sadgrihasth ki, parivar nirman ki jimmedari uthane ke yogya sharirik, mansik paripakvata a jane par yuvk-yuvtiyon ka vivah sanskar karaya jata hai. samaj ke sambhrant vyaktiyon ki, gurujnon ki, kutumbi-sambandhiyon ki, devtaon ki upasthiti isilie is dharmanushthan ke avasar par avashyak mani jati hai ki donon men se koi is kattarvya-bandhan ki upeksha kare, to use roken aur pratadit karen. pati-patni in sanbhrant vyaktiyon ke sammukh apne nishchay ki, pratigya-bandhan ki ghoshna karte hain. yah pratigya samaroh hi vivah sanskar hai. vivah sanskar men dev pujan, yagya adi se sambandhit sabhi vyavasthaen pahle se banakar rakhni chahie.

dan men shraddha, vishvas, maryada evan santulan bhara rahta hai. kanyadan ke samay jo saptapadi karai jati hai. vah dhyan men rakhna chahie.

anek bhai-bandhu, samaj ke alava agni, jal, tare, ann evan jal ke sakshya men saptapadi men kanyadan ke pahle var-vadhu ko ek dusre ke prati vachan vaddh kiya jata hai.

kanya var se vachan leti hai-

mai koi bhi puja, yagya, vrat, dan adi karun, usmen ap koi rukavat nahin dalegen. balki uski purti hetu usmen mera sahyog degen. main yadi apne ma-bap ke ghar jaun, kisi utsav, samaroh men bhag lun, ap koi pratibandh nahin lagayegen. ap jo bhi kamai karegen vah sab lakar mere hath par rakh degen. mujhse kuch bhi nahin chipayegen. yadi yah svikar hai ton main ap ki bharya banne ko taiyar hun.

var kanya se vachan leta hai-

tum ma-bap ke ghar ke sivay aur kahi bhi jaogi, bina meri anumti ke nahin jaogi. yadi main ghar par n rahun, tum koi bhi naya shrringar nahin karogi. par purush ke sammukh nahin jaogi. aur n hi unse kisi tarah ka sambandh ya sanpark banaogi. sundar evan yashasvi santan ko janm dene men mera sada sahyog karogi. adi. tumhen bhi yadi ye vachan svikar hai ton mai tujhe bharya ke rup men svikar karne ke liye taiyar hun.

iske bad sindur-dan, laksha havan evan pani-grahan kiya jata hai.

shiksha evan prerna

kanyadan ke samay kuch anshdan dene ki pratha hai . ate ki loi men chipakar kuch dhan kanyadan ke samay diya jata hai . dahej ka yahi svarup hai . bachchi ke ghar se vida hote samay uske abhibhavak kisi avashyakta ke samay kam ane ke lie uphar svarup kuch dhan dete hain, par hota vah gupt hi hai .

abhibhavak aur kanya ke bich ka yah niji uphar hai . dusron ko iske sambandh men janne ya puchne ki koi avashyakta nahin .

dahej ke rup men kya diya jana chahie, is sambandh men sasural valon ko kahne ya puchne ka koi adhikar nahin . n uske pradasharn ki avashyakta hai, kyon ki garib-amir apni sthiti ke anusar jo de, vah charcha ka vishay nahin banna chahie, uske sath ninda-prashansa nahin judni chahie .

ek-dusre ka anukaran karne lagen, pratisparddha par utar aen, to isse anarth hi hoga . kanya-paksh par anuchit dabav padega aur var-paksh adhik n milne par aprasann hone ki dhrishtata karne lagega . islie kanyadan ke sath kuch dhandan ka vidhan to hai, par durardashi rishiyon ne logon ki svatharparata evan dushtata ki sambhavna ko dhyan men rakhte hue yah niyam bana diya hai ki jo kuch bhi dahej diya jae, vah sarvatha gupt ho, us par kisi ko charcha karne ka adhikar n ho .

ate men sadharntya ek rupya is dahej pratik ke lie payarpt hai . yah dhatu ka liya jae aur ate ke gole ke bhitar chipakar rakha jae .

kanyadan ka arth hai-

abhibhavkon ke uttaradayitvon ka var ke upar, sasural valon ke upar sthanantaran hona . ab tak mata-pita kanya ke bharn-poshan, vikas, suraksha, sukh-shanti, ananda-ullas adi ka prabandh karte the, ab vah prabandh var aur uske kutumbiyon ko karna hoga . kanya naye ghar men jakar viranepan ka anubhav n karne paye, use sneh, sahyog, sadbhav ki kami anubhav n ho, iska pura dhyan rakhna hoga . kanyadan svikar karte samy-panigrahan ki jimmedari svikar karte samay, var tatha uske abhibhavkon ko yah bat bhali prakar anubhav kar leni chahie ki unhen us uttaradayitva ko puri jimmedari ke sath nibahna hai . kanyadan ka arth yah nahin ki jis prakar koi sampatti, kisi ko bechi ya dan kar di jati hai, usi prakar ladki ko bhi ek sampatti samajhakar kisi n kisi ko chahe jo upyog karne ke lie de diya hai . har manushya ki ek svatantra satta evan sthiti hai . koi manushya kisi manushya ko bech ya dan nahin kar sakta . fir chahe vah pita hi kyon n ho . vyakti ke svatantra astitva evan adhikar se inkar nahin kiya ja sakta, n use chunauti di ja sakti hai . ladki ho ya ladka abhibhavkon ko yah adhikar nahin ki ve unhen bechen ya dan karen . aisa karna to bachche ke svatantra vyaktitva ke tathya ko hi jhuthlana ho jaega .

vivah ubhayapakshiya samjhauta hai, jise var aur vadhu donon hi puri imandari aur nishtha ke sath nirvah kar safal banate hain .

yadi koi kisi ko kharidi ya bechi sampatti ke rup men dekhen aur us par pashuon jaisa svamitva anubhav karen ya vyavhar karen, to yah manvta ke mulbhut adhikaron ka hanan karna hi hoga . kanyadan ka yah tatparya kadapi nahin, uska prayojan itna hi hai ki kanya ke abhibhavak balika ke jivan ko suvyavasthit, suviksit evan sukh-shantimay banane ki jimmedari ko var tatha uske abhibhavkon par chodte hain, jise unhen manoyogpuvark nibahna chahie .

paraye ghar men pahunchne par kachchi umra ki anubhvhin bhavuk balika ko akhrne vali manodsha men hokar gujrna padta hai .

islie is arambhik sandhivela men to vishesh rup se var paksh valon ko yah prayas karna chahie ki har drishti se vadhu ko adhik sneh, sahyog milta rahe . kanya paksh valon ko bhi yah nahin soch lena chahie ki ladki ke pile hath kar diye, kanyadan ho gaya, ab to unhen kuch bhi karna ya sochna nahin hai . unhen bhi ladki ke bhavishya ko ujjval banane men yogdan dete rahna hai . kriya aur bhavna- kanya ke hath haldi se pile karke mata-pita apne hath men kanya ke hath, guptadan ka dhan aur pushp rakhakar sankalp bolte hain aur un hathon ko var ke hathon men saunp dete hain . vah in hathon ko ganbhirta aur jimmedari ke sath apne hathon ko pakadakar svikar-shirodharya karta hai . bhavna karen ki kanya var ko saunpte hue uske abhibhavak apne samagra adhikar ko saunpte hain .

kanya ke kul gotra ab pitri parampara se nahin, pati parampara ke anusar honge .

kanya ko yah bhavnatmak purusharth karne tatha pati ko use svikar karne ya nibhane ki shakti devashaktiyan pradan kar rahi hain . is bhavna ke sath kanyadan ka sankalp bola jae . sankalp pura hone par sankalpakattar kanya ke hath var ke hath men saunp den .

adyeti.........namahan.........namnim iman kanyan/bhginin susnatan yathashakti alankritan, gandhadi - achirtan, vasrayugachchannan, prajapti daivatyan, shatgunikrit, jyotishtom-atiratra-shatfl-praptikamo'han ......... namne, vishnurupine varay, bharn-poshn-achchadn-palnadinan, svakiya uttaradayitva-bharam, akhilan adya tav patnitven, tubhyan ahan sampradde .

var unhen svikar karte hue kahen- om svasti .

Kya aapko lekh pasand aaya? Subscribe
Kya aapko lekh pasand aaya? Subscribe


totke visheshank  February 2015

fyuchar samachar patrika ke totke visheshank men vibhinn karyon ke safal hone hetu sahjta tatha sulbhta se kiye jane vale totke diye gaye hain. ye totke am logon ke dvara asani se kiye ja sakte hain. in totkon ko karne se santan sukh, svasthya sukh, ajivika, vaivahik sukh prapt hota hai tatha anisht ka nivaran hota hai. is visheshank men totkon par bahut sare lekh sammilit kiye gaye hain. ye lekh hain: tone-totke kya hain tatha ye kitne karagar hain?, totka vigyan andhvishvas nahin hai, totke tantra ki vishishtata v sutra, santan, svasthya, ajivika evan vaivahik sukh ke lie totke, totkon ka adbhut sansar, janmapatrika ke anishtakari yog evan anisht nivarak totke adi hain. totkon ke alava is visheshank ke masik stambh, samyik charcha, astha, jyotish evan vastu par lekh ullekhniya hain.

Subscribe

Apne vichar vyakt karein

blog comments powered by Disqus
.