क्रिस्टल गेजिंग - एक अद्भुत प्राचीन कला

kristal gejing - ek adbhut prachin kala  

Sambandhit Lekh | Views : 4807 |  

kristal gejing aur kristalomanesi ek prachin kala hai. bhavishya men jhankne ki yah paddhati sadiyon se prachlit hai. lekin is par ek prakar ka kala badal chaya rahta hai. kuch logon ka yah manna hai ki yah tantra vidya athva jadugri ka ansh hai. yadyapi aisa nahin hai. yah vidya vyakti ke agya chakra se sambandhit hai aur jin siddh logon ka yah chakra purn rup se khula hota hai unke andar yah shakti a jati hai ki ve atindriya gyan shakti se agami ghatnaon ki purva anubhuti ko mahsus kar sakte hain.

kristal gejing se kai apradh hal hue hain, khoi hui vastuen punah prapt hui hain, bhavishya ke raj samne aye hain v kuch durghatanaen hone se roki gayi hai. aiye janane kuch aur is lupt hoti adbhut kristal kala ke bare men:

kristal gejing ke tarike

is kala ko praiktis karne ke lie ati sanvednshil hona atyant avashyak hai. dhyan lagane ki shakti evan vidya men parangat hona nitant avashyak hai. yah kala sab ke lie nahin hai aur ismen lipt hona, khona parta hai yani tanmay hona ek tarah ki siddhi hai, ishvar ka param ashirvad evanm yog sadhna ka chamatkar hai.

ek uttam riding ke lie avashyak hai.

  • uchch star ki ekagrachittata.
  • aspas ke mahaul se ekadam vimukh ho jane ki kshamata.
  • ek saf suthri kristal bol jisapar koi bhi dag ya dhabba n ho
  • yah kristal bol agar kvatarj ki ho to parinam jaldi dekhne ko milte hain
  • kamre men kisi bhi prakar ka shor ya avaj n ho jisse ridar ka dhyan bhang n ho
  • andhere ya bilkul halki roshni ke kamre men yah kriya ki jani chahie.

yah mahaul taiyar karke kristal bol ko kale kapre se dhak dena chahie jisse us par kisi aur vastu ya chehre ka pratibimb ka prabhav n ho. jab apki sadhna aur ekagrata ekadam sanpurn hogi aur ap pure dhyan se kristal bal ke andar apni drishti jamaye honge sabse pahle saf bael ki satah apko dhundhli dikhegi. aisa pratit hoga jaise ek dudhiya sa badal apki ankhon ke samne tair raha hai. dhire- dhire jaise apki ekagrata aur barhegi aur ap us para sansar men dubte chale jayenge. ap sahi disha men agrasar hain jab vah dudhiya badal apna rang badlna shuru karega. pahle vah lal rang men tabdil hoga, fir vah hariyali lie dikhega aur jab yah kriya saflta ki kagar par hogi usi kshan vah badal kala rang le lega.

isi kale badal ke piche chupa hai apka vah sach bhavishya ka, jiski ap khoj men hain. ab apko bahut hi satark rahne ki avashyakta hai kyonki yah badal kshan bhar men gayab ho jayega aur iske piche dikhega apko bilkul saf aur svachch rup men apke prashn ka uttar. ho sakta hai ki akritiyan bahut hi kam palon ke lie apke samne ayane. apko do char kshan men hi pura uttar dhundhna hai aur uska spashtikaran apne prashnavachak ko dena hai.

is kriya men apko kristal bol men anek prakar ki akritiyan drishtigat ho sakti hain. apko vyakti dikh sakte hain ya kuch makan ya immarten ya fir koi mandir ya dargah. apko janavar ya pashu pakshi bhi dikh sakte hain. kuch sthitiyon men apko koi sandesh ya sinbal (chihna) bhi dikh sakta hai jiska gurh arth ho. aise sthan ya log jinhen apne pahle kabhi nahin dekha bhi dikh sakte hain. rahasya aur romanch se bharpur hain yah yatra in chaviyon ka spashtikaran kathin karya hai aur inme bahut had tak ridar ki kalpana- shakti aur para shastra ka gyan apna patra nibhata hai.

kuch logon ka mat hai ki yah khatrnak kriya hai parantu agar sadhe hue gyani vyakti ki dekh rekh men kiya jaye to yah adbhut kala ashcharyajanak aur satik parinam dene men saksham hain.

is kriya men parangat vyakti ko kuch salon ke abhyas ke bad ismen abhutpurva anand ki prapti hoti hai. kuch nakli logon ne is ka uphas bana ke rakh chora hai lekin yah ek pavitra aur shreshth para vigyan hai jismen logon ko ruchi leni chahie jisse yah ek vyavharik sthan pa sake.

Kya aapko lekh pasand aaya? Subscribe
Kya aapko lekh pasand aaya? Subscribe


rahu visheshank  July 2014

fyuchar samachar patrika ke rahu visheshank men shiv bhakt rahu ke prakatya ki katha, rahu ka gochar fal, ashubh faldayi sthiti, dvadash bhavon men rahu ka falit, rahu ke vibhinn grahon ke sath yuti tatha rahu dvara nirmit yog, hathon ki rekhaon men rajniti evan shadyantra karak rahu ke adhyayan jaise rochak v gyanavardhak lekh sammilit kiye gaye hain iske alava satyaktha falit vichar, grah sajja evan vastu fengshui, hath ki mahatvapurn rekhaen, adhyatma/shabar mantra, jat karm sanskar, bhagavat katha, grahon evan dishaon se sambandhit vyavsay, piramid vastu aur hailth kaipsul, vastu paramarsh adi lekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.