brihat_report No Thanks Get this offer
fututrepoint
futurepoint_offer Get Offer
चंद्र ग्रहण राशिफल (31 जनवरी 2018)

chandra grahan rashifal (31 janvri 2018)  

Ank ke aur Lekh | Sambandhit Lekh | Views : 2765 |  

31 janvri 2018 ko chandragrahan sayankal men 16:21 se praranbh ho kar 21:38 par samapt hoga. is grahan ki kul avdhi 05 ghante 17 minat ki rahegi. is din chandrama apni hi rashi kark men gochar kar rahe honge. at: is grahan ka prabhav sabse adhik kark rashi ke jatkon par parega. kark rashi valon ko is grahan ka ashubh fal prapt hoga. chandra grahan ke ashubh fal se bachne ke lie safed vastuon ka dan karna chahie aur vishesh rup se chandrama ke mantra ka jap evan path karna chahie ya apne isht ki sadhna karni chahie.

grahan ka samy - sayan 16:21 se 21:38 tak, kul 5 ghante 17 minat ka grahan rahega.

grahan kin sthanon men dikhai dega - eshiya, astreliya, prashant mahasagar, pashchimi uttar amerika, bharat.

grahan ka sutk

is chandragrahan ka sutak 31 janvri, 2018 ko subah 7 bajakar se hi aranbh ho jaega.

logon ko chandroday ke samay se purva 9 ghante se sutak manna chahie aur sutak samay ke niyamon ka palan karna chahie.

chandra grahan ka rashiyon par iska jarur prabhav padega, parantu isse milne vala fal sabhi ke lie ek saman nahin rahne vala hai. isliye kisi ka bhagya uday hoga, to kisi ke jivan men samasyaen a sakti hain-

mesh rashi

is rashi chatarth rashi me chandragrahan hoga. yah samay sanbhlne ka hai. koi bhi karya aisa nahi karen, jisse chintaen badh jaen. dhan ki avak kamjor ho sakti hai. nivesh se ghata hone ki ashanka hai. vivadon se hani ho sakti hai. chori adi se bhi savdhan rahna hoga.

vrish rashi

rashi se tisra chandragrahan shubh fal dene vala hoga. shubh samacharon ki prapti hogi. ruke karya sanpann honge evan rogon men sudhar hoga. udhar die gae paison ki vasuli hogi evan sanpatti se labh hoga evan nae karyon ka aranbh hoga.

mithun rashi

dusra rashi men chandragrahan yah samay samanya labh dene vala hoga. shubh suchnaen milegi, kintu man udas rahega. manchahi safltaen milne men sandeh rahega. age badhne men sahayta karne vale piche hatenge. rogon men vriddhi ho sakti hai, lekin koi ganbhir samasya nahin hogi.

kark rashi

chandra ka gochar isi rashi men grahan yog nirmit karega. atyant savdhani bartne ka samay hai. har karya ko savdhanipurvak karen evan kisi se vivad ki sthiti nirmit hone par piche hat jaen, to behatar hoga. vahan adi prayog men savdhani rakhen evan nivesh ka jokhim nahi len.

sinh rashi

dvadash rashi men chandragrahan sanbhalakar rahne ka sanket karta hai. ay men kami hogi evan chintaon men vriddhi hogi. karya kshamata kamjor ho sakti hai. rishtedaron s vivad evan virodhi prabhavi ho sakte hain. karyasthal par asammaniya sthiti nirmit ho sakti hai.

kanya rashi

ekadash rashi me chandragrahan shubh fal dene vala hoga. shubh samachar evan ay ki vriddhi ke sanket hain. sanpatti se labh evan ruke karyon ke purn hone ke sanket hain. rogon men labh hoga evan virodhai hatash honge. karya pranali men sudhar hoga.

tula rashi

is rashi se dasham yani makar rashi men chandragrahan hoga, yah sadharan fal dene vala hoga. ay samanya bani rahegi aur chintaon se mukti milegi. nai jimmedari mil sakti hai. adhikari prasann rahenge, kintu karya adhik karna pad sakta hai. virodhiyon ko parast karne ke lie prayas karna hoga.

vrishchik rashi

is rashi se navam rashi men chandragrahan ka asar rahega. nyaylyin evan vivadit mamlon men apna paksh rakhne ke samay prapt hoga. jimmedari badhegi evan parivar ka sahyog prapt hoga. naukri men badlav ho sakta hai.

dhanu rashi

ashtam rashi men chandragrahan ashubh fal ka suchak hai. rogon ki vriddhi ho sakti hai. santan se bhi dukh prapt hoga. naukri men bhi chintajanak khabar mil sakti hai. yah samay shant rahne ka hai. kisi se vivad nahi karen evan parivar valon ki salah par dhyan dena uchit hoga.

makar rashi

saptam rashi me chandragrahan ka samanya fal dene vala hoga. vicharon ki adhikta rahegi. nae karyon ko karne ka mauka milega evan karyashaili men sudhar hoga. kredit milne men sandeh rahega. parivar ka sahyog bana rahega. dhan ki kami mahsus hogi.

kunbh rashi

is rashi ke lie yah chandragrahan shubh faldayi hoga. dhan ka labh evan chathi rashi me chandra grahan hone se ruke karyon men bhi gati aegi. vivadon men vijay prapt hogi. shubh samacharon ki vriddhi hogi. berojgaron ko rojgar ki prapti hogi.

min rashi

is rashi se panchvin rashi se grahan lagega, jo samanya fal pradan karne vala hoga. ashubhon ko nirakaran hoga evan achche karyon men lage rahenge. udasi ka ant hoga. rishtedaron se sanbandhon men sudhar hoga evan dhan ki avak samanya rahega.

grahan ka parvakal

har grahan men snan, dan tatha jap adi ka vishesh mahatmya hota hai. samanyat: grahan ka parvakal grahan aranbh se grahan samapti tak ka kal mana hai kyonki yah grahan bharat ke sudur purvi kshetron ko chodakar shesh bharat men grastoday hi hoga, at: yahan chandroday se grahan samapti tak ke kal ko parvakal mana jaega. dharmaparayan logon ko chandroday ko hi grahan aranbh manakar sabhi dharmik kriyaon ka sampadan v anushthan karna chahie.

chandragrahan ke samay ham kuch vishesh baton ka dhyan rakhte hue n keval bahut si pareshaniyon se hi bach sakte hai varan iska sadupyog karke akshay punya ko bhi prapt kar sakte hai. manyata hai ki kisi bhi grahan ke dauran surya grahan men surya ki kirnen, aur chandra grahan men chandrama ki rashmiyan prithvi par apna nakaratmak prabhav chorti hain, jiska prabhav pure vayumandal men parta hai. manushya to manushya hamare ghar, pratishthan par bhi grahan ka nakaratmak prabhav parta hai.

  • grahan ke nakaratmak prabhav se ghar ko bachane ke lie grahan se ek din pahle ghar ke mukhya dvar par sindur men ghi milakar om ya svastik ka chihn banayen .
  • bajar men gamlo ko rangne ke lie, rangoli banane ke lie geru milta hai, grahan se pahle ghar ke mukhya dvar ke pas , ghar ki chat par evan ghar ke angan men geru ke tukre bikher den, aur grahan ke bad ise jharu se bator kar ghar ke bahar fenk de. is upay se ghar par grahan ka nakaratmak prabhav nahin parta hai .
  • chandragrahnkal ke samay arjit kiya gaya punya akshay hota hai . dharmik log is samay ka bahut hi betabi se intjar karte hai aur iska nishchit hi labh uthate hai . is samay men kiya gaya dan, jap, dhyan ka fal pure varsh men kiye gae punya se bahut hi jyada hota hai .
  • bhagvan vedavyas ji ne kaha hai ki - samanya din se chandragrahan men kiya gaya jap , tap, dhyan, dan adi ek lakh guna aur surya grahan men das lakh guna faldayi hota hai aur yadi yah ganga nadi ke kinare kiya jayen to chandragrahan men ek karod guna aur suryagrahan men das karod guna faldayi hota hai.
  • chandragrahan moksh hone par solah prakar ke dan, jaise ann, jal, vastra, fal, dudh, mitha, svarn, chandrama se sanbandhit safed vastuen jaise moti, chandi, safed kapda, chaval, mishri, shankh, kapur, shvet chandan, safed ful, palash ki lakdi, dahi, chaval, ghi, chini adi ka dan jo bhi sanbhav ho sabhi manushyon ko avashya hi karna chahie.
  • lekin jin vyakti ka chandrama uchch ka ho unhen safed vastuon ka dan bilkul bhi nahin karna chahie . vah ann, vastra, fal, pili lal mithai adi ka dan kar sakte hai .
Kya aapko lekh pasand aaya? Subscribe
Kya aapko lekh pasand aaya? Subscribe

ratn visheshank  February 2018

fyuchar samachar ke ratn visheshank men is bar 2018 men ratna: ek parichay, ratn mimansa, ratnon ka lagn anusar mahatva, kis prakar karen ratnon ka chayan, jyotish men ratnon ka prayog adi sammilit hain

Subscribe

.