जन्मकालिक संस्कार

janmakalik sanskar  

Ank ke aur Lekh | Sambandhit Lekh | Views : 4404 |  
navjat shishu hetu janmakalik sanskar prashna: santan ke janm samay par sanpadit kiye jane vale kshetriya sanskarik, dharmik evan jyotishiya kriya-kalapon ka prabhav evan mahatva batate huye vivaran prastut karen tatha inke n kiye jane par dushprabhavon ka bhi varnan karen. santanotpatti ke samay garbhavati ko suyogya paushtik khir khilai jati hai. prachin samay men simantonnayan sanskar ke avasar par vina-vadan ke sath somrag ka gan adi bhi hota tha jo garbhavati ko prafullit karne tatha bhakti ka sanskar bharne ka ek uttam sadhan tha. vishnubli: garbh ke athven mas men yah sanskar kiya jata hai. is sanskar men bhagvan vishnu ke lie agni men chaisath bali rup ahutiyan arpit ki jati hain. vaidik sukton se vishnu ki stuti ki jati hai. is sanskar ke dvara garbhasth shishu ki suraksha hoti hai., garbhamukti ka bhay dur hota hai. jatakarma: shishu ke janm lene par jo sanskar kiya jata hai use jatakarm kahte hain. jatakarm sanskar ka mukhya ang meghajanan sanskar hai. is sanskar dvara matri-pitrij ke sharirik doshon ka shaman hota hai. pita athva ghar ke vayovriddh vyakti dvara nal katne ke pashchat svarn ki salai se shishu ko madhu aur ghrit visham matra men chatana chahie. isi ke sath santanotpatti se purva ki sanskarik kriyaen purn ho jati hain. janm ke chathe din kiya jane vala shashthi sanskar puranon ke anusar shishu ko dirghayu banana uski raksha aur bharan poshan karna bhagvti shashthi devi ka svabhavik gun hai. nandray ji evan yashoda ne jagat ke palnhar shri krishn ke janm ke chathe din apne putra ke arisht nivarnarth brahmanon ko bulakar bhagvti shashthi vrat pujan vidhipurvak karvaya tha. aj shishu ke janm ke chathe din chathi pujan sanskar ka vidhan prachlit hai. puranon men shashthi devi ki bari mahatta pratipadit ki gai hai. mul prakriti ke chathe ansh se pragat hone se shashthi nam para hai. ye bahma ki manad putri evan shiv parvati ke putra skand ki pranapriya devsena ke nam se prakhyat hai. inhen vishnu maya aur balda bhi kaha jata hai. bhagvti shashthi devi apne yog ke prabhav se shishuon ke pas sadaiv vriddhamata ke rup men vidyaman rahti hanai tatha unki raksha evan bharan poshan karti hanai. shishu ko svapn men khilati, hansati, dularti evan vatsalya pradan karti rahti hain. isi karan sabhi shishu adhikansh samay sona hi pasand karte hain. ankh khulte hi unki drishti se bhagvti ojhal ho jati hain. atah kabhi-kabhi shishu bahut jor se rone bhi lagte hain. namakaran sanskar: nshubh muhurt men sutka snan ke anantar grih shuddhi karen. ganpti adi grih matrika tatha varun ka pujan karke narnad mukh shraddh karen. shishu ko snan karakar navin vastra pahnaen. svasti vachan ke sath mata ki god men shishu ko purvabhimukh litakar uske dahine kan men ‘‘amuk sharmashi, amuk varmashi’’ ityadi nam tin bar sunaen. tadnantar, brahman bhojan karaen. jan bhasha men ise dashohan ya das divsiya jannashauch nivritti kaha jata hai. nam do prakar ke die jate hain- ek janm nakshatra ka nam jo guhya hota hai aur dusra pukar ka nam jo pita shishu ke kan men kahta hai. pukar ka nam vyavhar ke lie hota hai. nam keval shabd hi nahin ek kalyanamay vichar bhi hain. namakaran sanskar charon varnon ka hota hai. stri evan shudra ka amantrak evan vijatiyon ka samantrak hota hai. brahman ka nam manglkari evan sharma yukt kshatriya ka bal tatha raksha samanvit, vaishya ka dhan pushti yukt tatha shudra ka dainya aur seva bhav yukt hota hai. striyon ke nam sukomal manohari, manglkari, tatha dirgh varnant hona chahie jaise yashoda. kuch rishiyon ne nakshatra nam ko mata-pita ki jankari men rahna upyukt bataya hai arthat jise mata-pita hi jane anya nahin. vyavhar nam hi prachalan men rahna chahie taki shatru ke avichar adi karmon se shishu ki raksha ki ja sake. atah mataah pita bhi use vyavhar nam se hi sanbodhit karen. aj is ikkisvin sadi men namakaran kar n to is prachin sanskriti ki raksha ki jati hai aur n naitikta ka palan hi hota hai. koi apni bachchi ko lili kahta hai to koi bebi aur koi dauli. kuch log apne larke ko henri, jaif, jensan, harve jaise namon se pukar kar bari prasannata ka anubhav karte hain. ashvin, ashlesha, magha, jayeshtha, mula aur revti ye chah gandmul nakshatra hain. inmen se kisi bhi nakshatra men janma shishu mata-pita, apne kul ya apne sharir ke lie kashtadayak hota hai. iske viprit yadi sankat samapt ho jae to apar dhan, vaibhav, aishvarya, vahan adi ka svami hota hai. jyotish shastra ke anusar to uchit yahi hai ki 27 din tak pita ko aise shishu ka mukh nahin dekhna chahie. mul shanti karane ke bad hi sanbandhit nakshatra ka dan, havan, puja adi karakar 27 din bad hi mukh dekhen. 27 din bad hi jab vahi nakshatra fir ae tab purohit dvara mul shanti karakar yathasanbhav dan adi karke hi prasuti snan karana chahie aur uske bad hi namakaran sanskar karna chahie. jhula arohn: janmadin se 10, 12, 16, 22 evan 32 ven din shishu ko aramdeh jhule men sulana chahie. jhule men dalne se purva shubh tithi, var, nakshatra, yog, adi ka vichar kar lena chahie. mata, dada ya dadi ko bhagvan vishnu ka dhyan karte hue shishu ko khule men sir purva ki or rakhakar sulana chahie. aisa karne se shishu ki ayu evan aishvarya ki vriddhi hoti hai. nishkraman sanskar: yah sanskar us samay kiya jata hai jab balak ko sarvapratham ghar se bahar le jana ho. namakaran sanskar ke dusre athva chaithe mah men shubh muhurt dekhakar nishkraman sanskar karna chahie. ghar se bahar sarva pratham pas ke kisi mandir men balak ko le jana chahie tatha usi ratri men shukla paksh ke chandra ke darshan karana chahie. bhumyopveshn: panchven mas men bhumyopveshan namak sanskar hota hai. shubh din shubh nakshatradi men prithvi aur barah ka pujan kar balak ki kamar men sutra bandhakar prithvi par bithate hain aur prithvi se is prakar prarthana karte hain: rajainan vasudhe devi sada sarvagtan shubhe. ayu pramanan saflan nikshipasav haripriye.. is avasar par pustak, kalam, mashin adi vibhinn vastuen balak ke samne rakhi jati hanai. vah jis vastu ko sabse pahle uthata hai use hi uski ajivika ka sadhan manakar use tadnurup shiksha di jati hai. vardhapan sanskar: shishu dirghayu ho aur uska jivan sukhamay ho iske liye shastron men pratyek varsh janm tithi ko vardhapan sanskar ka vidhan kiya gaya hai. vardhapan sanskar suruchipurn svasthya vardhak ayu vishayak evan samriddhi dayak hota hai. sanatan dharm men manushya ke janm ke anantar pahle varsh pratyek mas men janm tithi ka akhand dip prajjvalit kar janmotsav manane ka vidhan hai. iske bad pratyek varsh janm mas men parne vali janm tithi ko janmotsav manaya jata hai. is din sarvapratham sharir men til ka ubatan lagakar til mishrit jal se snan karna chahie. tadnantar nutan vastra dharan karke asan par par baithakar tilak lagaen aur guru ki puja karke akshat pushpon par nimnalikhit prakar se devtaon ka ahnan tatha pratishtha karke unki puja karen. sarvapratham kul devtabhyau namah mantra se kul devta ka ahnan evan pujan karen. fir janm nakshatra mata-pita, prajapti, surya, ganesh, markandey, vyas, parshuram, ashvatthama, kripacharya, bali, prahlad, hanuman, vibhishan evan shashthi devi ka akshat puja par nam mantra se ahnan karke unki puja karni chahie. tatpashchat markandey ji ko shvet til aur gun mishrit dudh tatha shashthi devi ko dahi bhat ka naivedya arpit karen. iske bad kalp kalyanti javi mahamuni markandey ji se dirgh ayu tatha arogya ki prarthana karen. is din nakh aur kesh nahin kataen. garm pani se nahin nahaen. apne se baron ka abhivadan karen. vartaman men chal pari kek katakar ‘‘haippi barth de tu yu’’ kahte hue janmadin manana pashchatya sanskriti ka andhanukaran matra hai. isse sarvatha bachte hue bhartiya sanatan aradhna paddhati hi apnana chahie anyatha mangal kam amangal ki ashanka adhik rahti hai. ann prashan sanskar: is sanskar ke dvara mata ke garbh men malin bhakshana-janm dosh jo balak men a jate hain unka nash ho jata hai. (annanashnanmatrigarbhe malashadhryay sudhyati). jab balak chah sat mas ka hota hai, dant niklne lagte hain, pachan shakti prabal hone lagti hai, tab yah sanskar kiya jata hai. shubh muhurt men devtaon ka pujan karne ke pashchat mata-pita adi sone ya chandi ki salaka ya chammach se nimnalikhit mantra bolakar sir adi pavitra aur pushtikarak ann chatate hain. shivau nestan brihiyvavvalasapdomdhau. egtau yukshman vi bodhte etau munchata anhsah .. arthat he balak ! jau aur chaval, tumhare lie baldayak aur pushtikarak hon kyonki ye donon vastuen yashmanashak hai tatha devann hone se pap nashak hai. churakarm sanskar: ise mundan sanskar bhi kahte hain. yah sanskar janm ke pratham varsh, tritiya varsh ya pancham varsh men kiya jata hai. bal katne ke lie balak ko purva ki or mukh karke bithaen. bich men mang nikalakar daen, baen aur piche ki or sir men balon ko bail ke gobar ko lapetakar rakhna chahie. kate hue balon ko gobar sahit ek navin vastra men rakhakar jamin men gar dena chahie. ya parivar ki paranpra ke anusar gangaji men jal pravah kar dena chahie. karn vedhn: yah sanskar purn purushatva evan stritva ki prapti ke lie kiya jata hai. shastron men karn vedhan rahit purush ko shastra ka adhikari nahin mana gaya hai. yah sanskar shishu janm se chah mas se 16 mas ke bich athva tin, panch adi visham varshiya ayu men ya kul paranpragat achar ke anurup sanpann karana chahie. surya ki kirnen kanon ke chidra se pravisht hokar balk-balika ko pavitra karti hain aur tej sanpann banati hain. brahman aur vaishva ka rajat shalaka se, kshatriya ka svarn shalaka se tatha shudra ka lauh shalaka se karn chedan ka vidhan hai. ayurved ke anusar kanon men ched karne se ek aisi nas bindu jati hai jisse antra vriddhi (harniya rog nahin hota hai. isse purushatva nasht karne vale rogon se raksha hoti hai. upanayan sanskar: is sanskar ko yagyaopvit ya janeu sanskar bhi kahte hain. is sanskar men manav jivan ke vikas ka aranbh mana jata hai. kaha jata hai ki yagyaopvit dharan karne se karorane janmon ke sanchit pap karm nasht ho jate hain. shudron ko yah sanskar nahin karaya jata. brahman ka upanayan sanskar athvane varsh men, kshatriya ka gyarhven aur vaishya ka barhven varsh karana chahie. varsh ki ganna garbh ke samay se karni chahie. upanayan sanskar ke samay vibhinn vaidik mantron ke alava gayatri mantra ka purn uchcharan bhi kiya jata hai aur acharya balak ko gayatri mantra ki diksha deta hai. upanayan sanskar men bhikshacharan bhi hota hai. upanayan sanskar ho jane ke bad balak vaidik karm karne ka adhikari ho jata hai. kintu use vivah hone tak brahmacharya ke niyamon ka palan ganbhirtapurvak karna chahie. sath hi acharya dvara die gaye updeshon ka palan bhi drirhta se karna chahie, tabhi use divyatva ki prapti hoti hai. yagyaopvit: yagya sutra nirantar hamane apne dharm, jati evan pravar rishiyon, purushon ke upkar ka smaran dilate hain. hamare yagya sutra men sabhi devon ka vas hai ataev yathadhikari yagyaopvit dharan karna param avashyak hai. brahm vrat: gurukul men guru sevarth dharan kiya jane vala (antevasi shishya ka) yah akhand brahmacharya vrat hai. is sanskar men upnit vatu acharya grih men guru ka antevasi banakar akhand brahmacharya vrat dharan karta hua parmatma ke path par agrasar hone ke lie apne purusharth ki pratigya karta hai. is kal men vatu ke lie do karya anivarya hain- brahmacharya ka palan aur guru seva. vedaranbh sanskar: upanayan sanskar sanpann hone par usi din athva usse tin din bad vedaranbh kar sakte hain. maharshi vashishth ke anusar jin-jin kulon men ved shakhaon ka adhyayan paranpra se hota chala a raha ho, un-un kulon ke balkon ko usi shakha ka abhyas karna chahie. apne kul ki paranpragat shakha (upnishad adi) ka adhyayan kar lene ke bad anya shakhaon ke upnishdon ka adhyayan karna chahie. vedadhyayan guru ke sannidhya men karna chahie. ved ka arth sahit adhyayan karna chahie. vedaranbh sanskar men ved mantra ki ahutiyon se yagya karne ka vidhan hai. samavartana: yah sanskar vidyadhyayan ka antim sanskar hai. vidyadhyayan purn ho jane ke anantar snatak brahmachari apne pujya guru ki agya pakar apne ghar men samavartit hota hai. islie ise samapan sanskar kahte hain. grihasth jivan men pravesh ka adhikari ho jana is sanskar ka fal hai. sanskaron ka prayojn: har sanskar bhinna-bhinn uddeshyon ke lie hota hai. sanskaron ke katipay laukik ang bhi hote hain. sanskar men vividh kritya grathit hote hain jinhen apnane se vyakti ko anek shubh fal prapt hote hain aur ashubh falon se mukti milti hai. ashubh prabhav ka pratikar: shubh karyon men amangal ki bhi ashanka rahti hai atah ashubh prabhav se raksha ke lie sanskaron men kuch vishesh kritya bhi kiye jate hain. jaise asuri shaktiyan sanskarya vyakti par ashubh prabhav n dale, islie unhen bali pradan kar shant kiya jata hai. isi prakar vinayak shanti bhi ki jati hai. shishu janm prasang men pita rog karak bhut-pret se kahta hai ki tum log mere putra ko rogadi pira mat pahunchao. tum log chale jao main tumhare prati adar bhav rakhunga. shubh prabhav ka akarshana: garbhadhan tatha vivah ke pradhan devta prajapti aur upanayan ke pradhan devta brihaspati hain. in prasangon men in devtaon ke sukton dvara unse abhisht shubh fal ki prarthana ki jati hai. shubh vastu ke sparsh se shubh fal prapt hota hai. atah simantonnayan namak sanskar ke samay audunbar vriksh ki shakha ka garbhavati stri ki griva se sparsh karaya jata hai. jis prakar adunbar vriksh par vipul fal ate hain, usi prakar garbhavati stri ko anek santan ho, iske piche yahi bhav nihit hai. sanskarik prayojn: shastragyaon ne sanskaron men uchchatar dharm evan pavitrata ke samavesh ki shakti ka pratipadan kiya hai. yagyavalkya rishi sanskaron se bij aur garbh ki shuddhi aur pavitrata par bal dete hain. jatak karmadi sanskaron se ashuddhata ka nivaran hota hai. sharir atma ka vas sthan hai aur yah sharir sanskaron se shuddh hota hai. naitik prayojn: sanskaron ko keval sanskar rup men karna sanskar vidhan men nahin hai. apitu sanskar karne se naitik gunon ki abhivriddhi hoti hai. is tathya ko dhyan men rakhte hue shastragyaon ne sanskar men jivan ke pratyek sopan ke lie vyavhar ke niyam dharm nirdharit kiye hain. adhyatmik prayojn: shastriya sanskaron se utpann hone vale naitik gunon se sanskarya vyakti ka adhyatmik vikas ho yahi sanskar ka abhipray hai. sanskarik jivan bhautik dharna aur atmavad ke bich ka madhyam matra hai. yadyapi adhyatmik drishti se sharir ko nisar mana gaya hai, fir bhi sharir atm mandir hai. sadhna anushthan ka madhyam hai, islie ati mulyavan hai. yah atm mandir sanskaron se parishkrit hokar parmatma ka vas sthan ban sake yahi sanskaron ka abhipray hai. is prakar sanskar adhyatmik shikshan ke sopan hain. susanskrit vyakti ka sampurn jivan sanskaramay hota hai aur sabhi daihik kriyaen adhyatmik vicharon se anupranit hoti hain. sanskaron se vyakti ko yah vishvas hota hai ki vidhiyukt sanskar ke anushthan se vah deh bandhan se mukt hokar bhavsagar se par ho sakta hai. samaj ke shreshthajan savidhi sanskaron ka palan karte hain, atah itarajan bhi unka anusaran kar sukhi hote hain. bhartiya sabhyata evan sanskriti men sanskaron ka vishesh mahatva hai. prachin rishiyon ne garbhadhan se lekar antyeshti karm tak shodash sanskaron ko ekamat se svikar kiya hai. manushya janm se abodh hota hai parantu sanskaron se uske antrik evan bahya vyaktitva men nikhar ata hai, uska parishkar hota hai. shastra men kaha gaya hai- janmanajayat e shadu ra sasn karad dvij uchyat.e ved chandal mapet vipra priksh janati brahman.. sukh samriddhi chahne vale pratyek varn ke grihasth manushya ko paranpra ka anusaran karna chahie. aisa karne se santan medhavi, svasth, dhani, yashasvi evan dirghayu hogi. garbhadhan sanskar: is pure prakaran men ek bat ullekhniya hai ki shuru se ant tak kisi bhi rishi ne garbhadhan sanskar ka tyag nahin kiya. sabhi ne is pratham sanskar ko avashyak mana hai. vartaman men garbhadhan to khub hota hai kintu sanskar bilkul nahin. aj hamne garbhadhan sanskar ko puri tarah bhula diya hai. koi is vishay par charcha karna bhi pasand nahin karta hai. yaun vishyon par sarvadhik charcha hoti hai, yaun shiksha par pure desh men bahas chalti hai, kintu garbhadhan sanskar ki jankari shikshit samaj ko bhi nahin hai. ichchit santan ki prapti hetu garbhadhan karne se purva pati-patni ko apne man aur sharir ko pavitra banane ke lie yah pratham sanskar karna chahie. shuddh raj-virya ke sanyog se hi sanskarvan santan ka janm hota hai. pativrat dharm aur brahmacharya ke palan se hi raj-virya ki shuddhi hoti hai. jis shubh ratri men jis samay garbhadhan karna ho us samay pati aur patni ko svayan ko achaman adi se shuddh kar lena chahie. fir pati hath men jal lekar kahe ki main is patni ke pratham sanskar ke bij tatha garbh sanbandhi doshon ke nivarnarth is garbhadhan sanskar kriya ko karta hun. patni pashchim ki or pair karke sidha chit lete tatha pati purvabhimukh baithakar patni ke nabhi sthal ko apne dayen hath se sparsh karta hua nimn mantra ka uchcharan kare: un pusha bhag savita me dadatu rudrah kalpayatu lalamgum. un vishnuryonikalpayatu tvashta rupani yithshtu asinchat prajaptirdhana garbh dadhalute.. (rigved-4/2/42) punsavan sanskar: ath punsvanam pura spandat iti mase dvitiye tritiye va. (paraskar guhyasutra-1-16) garbh ka vikas samyak prakar se ho sake iske lie punsavan sanskar karna chahie. yah sanskar garbhadhan ke dusre ya tisre mas men kiya jaye. is sanskar ki mukhya kriya men khir ki panch ahutiyan di jati hain. hvan se bachi hui khir ko ek patra men bharakar pati patni ki god men rakhta hai aur ek nariyal bhi pradan karta hai. puja samapti aur brahman bhojan karane ke pashchat patni is khir ka prem purvak sevan karti hai. simantonnayan sanskar: yah sanskar bhi garbhasth shishu ke unnayan ke lie kiya jata hai. yah sanskar shishu ko saubhagya sanpann banata hai. paraskar guhya sutra men kaha gaya hai ki yah sanskar pratham garbh ke chathe athva athven mas men karna chahie. is sanskar men havan kiya jata hai aur garbhavati stri ke jure (sir ke balon) men tin kushaen aur gular ke fal lagae jate hain.
Kya aapko lekh pasand aaya? Subscribe

Kya aapko lekh pasand aaya? Subscribe


shri mahalakshmi visheshank  November 2012

fyuchar samachar patrika ke shri mahalakshmi visheshank men mahalakshmi ke udgam ki pauranikta, hindu dharm shastron men mahalakshmi ke svarup ka varnan, vishva ke anya dharm granthon men mahalakshmi ke samakaksh, devi-devtaon ke nam tatha unse judi dant kathaen, lakshmi pujan vidhi evan shubh muhurt, dipavli pujan paik, devi kamla sadhna, tantrokt lakshmi kavach, lakshmiji ke sath ganpti pujan kyan, lakshmipujan ke vishesh upay, dipavli par kiye jane vale vishesh upay v mantra, lakshmi prapti ke 51 achuk upay, dipavli par kiye jane vale anuthe prayogdipavli par kiye jane vale dipavli par kiye jane vale adbhut totke, mahalakshmi ke pramukh puja sthal tatha unki mahta aur manyata ke atirikt janmakalik sanskar, ahoiashtami vrat, faladesh men ankshastra ki bhumika, vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, tairo kard, satyaktha, ank jyotish ke rahasya, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.