किन से करें कठोर व्यवहार

kin se karen kathor vyavhar  

Sambandhit Lekh | Views : 1241 |  

har vyakti ka apna ek alag svabhav hota hai. vaise hi alg-alag logon se kam karvane ka tarika bhi bhinna-bhinn hi hota hai. yadi apko kisi sajjan vyakti ke kam karvana ho to namrata purvak bat karne se hi vah apke kam kar dega, lekin yadi kisi dusht vyakti se ap koi kam karvana chahte hain to uske sath apko kathor vyavhar hi karna hoga.

garud puran ke anusar durjan vyakti ke sath yadi ap namrata purvak vyavhar karenge to iske badle men vah apse aisa vyavhar nahi karega. ulta vah apke namra svabhav ka fayda uthane ki koshish hi karega. islie yadi apko kisi durjan vyakti se kam niklvana ho to uske sath kathorta se hi bat karni chahie, tabhi vah apke sath namrata purn vyavhar karega.

garud puran men shilpakar se bhi kathor vyavhar karne ke lie kaha gaya hai, jisse abhipray un logon se hai jo apna kam thik tarike se nahin karte aur alasya karte hue kam ko talte rahte hain. aise logon ke sath yadi namratapurn bat ki jae to yah thik se apna kam nahin karenge islie yadi in logon se apna kam niklvana hai to inke sath kathor vyavhar karna bahut avashyak hai.

garud puran ke anusar yadi ap naukar se namrata purn vyavhar karenge to vah apko kisi agya ka palan nahin karega aur apke sath mitra ke saman acharan karne lagega. aisi sthiti men vah apka apman bhi kar sakta hai. is sthiti se bachne ke lie apko apne naukar ko kathor anushasan men rakhna anivarya hai. islie yadi apko das yani naukar se kam karvana hai to uske sath kathor anushasan rakhna bahut avashyak hai.

dholak aisa vadya yantra hai jise yadi ap dhire-dhire prem purvak bajane ka prayas karenge to uski avaj vaisi nahin aegi, jaisi ap chahte hain yani vah thik se kam nahin karega. yadi ap chahte hain ki dholak ki avaj jor se ae to apko use apne donon hathon se jor-jor se pitna hoga tabhi dholak se vaisi avaj aegi, jaisi ap chahte hain. islie kaha gaya hai ki dholak ke sath bhi kathor anushasan (jor-jor se pitna) rakhna chahie. anya vadya yantron ke sath bhi aisa hi karna chahie.

hindu dharm men striyon ko bahut hi sammanniya mana gaya hai. unke sath duvryavhar karne ke bare men sochna bhi galat hai, lekin yadi kisi stri ka svabhav dusht hai to uske sath namrata purn vyavhar karna murkhata hogi kyonki vah apne svabhav ke anusar apko dukh hi pahunchaegi. islie kaha gaya hai ki dusht stri ke sath sadaiv kathor anushasan v vyavhar karna chahie. anyatha dusht stri mauka milte hi apko dhokha de sakti hai.

Kya aapko lekh pasand aaya? Subscribe
Kya aapko lekh pasand aaya? Subscribe


navavarsh visheshank  January 2015

fyuchar samachar patrika ke navavarsh visheshank men navavarsh ki bhavishyavaniyon men apki rashi tatha bharat v vishva ke arthik, rajnaitik v prakritik halat ke atirikt 2015 men bharat ki arthavyavashtha, sheyar bajar, santan bhavishya adi shamil hain. iske sath hi apki rashi-apka khanpan, jyotish aur mahilaen, janvri mah ke vrat-tyauhar, kyon mante hain makar sakranti?...

Subscribe

Apne vichar vyakt karein

blog comments powered by Disqus
.