अविश्वास की दीवार

avishvas ki divar  

Ank ke aur Lekh | Sambandhit Lekh | Views : 725 |  
sukhi dampatya jivan ki ninv apsi vishvas, pyar, samarpan aur tyag par tiki hoti hai. ek dusre ke prati purn samarpan aur vishvas jitna gahra hoga, utni hi madhurta jivan mane ghul jayegi. iske viprit yadi donon ko ek-dusre par vishvas hi nahin hai ya fir unka jivan jhuth aur fareb ki ninv par tika hai to aise vaivahik jivan ka bhavishya kabhi bhi sukhad nahin ho sakta. yayah ghatna atyant honhar navyuvak ke jivan ki hai. anant ka janm to bharat men hua tha, parantu mata-pita use bachapan men hi landan le gaye aur vahin bas gaye the. bachapan se hi atyant parishrami aur parhai men nipun tha. uske mata-pita ne use purnarup se bhartiya sanskriti ki chaya men hi pala tha. ramayan, mahabharat sabhi ka use gyan tha aur dil-dimag donon se hi vah atyant imandar tha. usne vahan daktari ki parhai ki aur ek safal daktar banakar vahan ke bare aspatal men karyarat ho gaya. isi dauran uski mulakal vaishali se hui. vaishali bolne men atyant chust thi. chanuki anant kafi antrmukhi tha islie vah partiyon men bhi kafi chup-chup aur sabse alg-alag hi rahta tha lekin vaishali bar-bar uske pas akar usse bat karti aur use sabse milvati. dhire-dhire anant ko vaishali achchi lagne lagi aur use laga, shayad uske akelepan ko dur karne ke lie vaishali achchi dost sabit hogi. vaishali ne khud ko daktar bataya. uski umra bhi anant se kafi jyada thi, par uske rahn-sahan se vah kafi akarshak najar ati thi. dhire-dhire anant aur vaishali ki mulakaten barhne lagi aur anant ko vaishali achchi lagne lagi kyonki ajatak uski mahila dost thi hi nahin. n hi usne kabhi kisi se is tarah bat karne ki koshish ki. vaishali ke mata-pita bhi use bachapan men hi landan le ae the, par vah pashchimi rang men puri tarah se dhali hui thi. kuch samay bitne par vaishali anant par vivah ka davab banane lagi. anant ne is vishay par abhi socha hi nahin tha aur n hi apne parivar valon ko is bare men kuch bataya tha. vaishali ke davab men jab usne ghar men is bare men bataya to mano bhuchal a gaya. uske mata-pita is rishte se bilkul bhi khush nahin the aur unhonne iska virodh kiya. larke se bari larki unhen bilkul nahin bha rahi thi. lekin kahte hain n, honi ke age kisi ka bas nahin chalta. sabka virodh hote hue bhi anant ne vaishali se vivah kar hi liya aur vah apnee is nirnay se bahut khush bhi tha. vivah kee pashchat anant nee dekha ki vaishali apne aefis nahin ja rahi hai kuch din to usne socha ki shayad nai grihasthi basane ke lie chutti li hai aur vaishali ne bhi yahi bataya lekin kuch din bad bhi jab vah hamesha ghar men hi dikhai deti to usne sahi karan pucha to pata chala ki vastav men uske pas naukri hai hi nahin. sunakar anant ko kafi ashcharya huua ki vaishali ne usse jhuth kyon bola. anant ne apne aspatal men uske lie naukri dhundhi aur jab usse uske daktari ki digri ke sartifiket mange to bhi vaishali talm-tol karne lagi aur boli ki uske sare sartifiket kho gaye hain. yah sunakar anant ka matha thanka. usne yunivarsiti se dupliket sartifiket niklvane ke pata kiya to malum hua ki vaishali ne to kabhi daktari ki parhai ki hi nahin. usne edmishan jarur liya tha par usne fasart iyar men hi parhai chor di thi. anant ke vishvas ko yah gahri chot thi. vaishali se puchne par usne koi javab nahin diya. kuch din bad anant ne dekha ki vaishali hamesha soi-soi si rahti, ghar ka koi kam nahin karti. khana hamesha hotal se ata hai to usne uske kamre v almari ko kholakar dekha to vahan sharab ki botlen milin. yah anant ke lie dusra bara jhatka tha. kahan to vah shuddh shakahari tha aur yahan uski dharmapatni sharab ka sevan kar rahi hai. anant ke vishvas par gahri chot lagi thi. gusse v apman se vah pagl-sa ho gaya, itna bara dhokha. kyon vaishali ne uske jivan v vishvas see vishvasghat kiya aur jab usne vaishali ko danta to usne ro-ro kar ghar sir par utha liya aur atmahatya ki dhamki dene lagi. usse vayda bhi kar diya ki age vah aisa kuch nahin karegi jisse anant ko duahkh pahunche. anant ne uski kathni par vishvas toe kar liya, par use uske rang-dhang men koi parivartan najar nahin aya. ghar use mano katne koe daurta tha. vah apne rishte ko samapt karnee ki soch hi raha tha ki vaishali ne bataya ki vah garbhavati hai aur anant ke bachche ki man banne vali hai. anant ko koi khushi nahin hui balki uske man men ek shak aur utpann ho gaya ki kya yah vakai uski santan hai ya fir ismen bhi uski koi chal hai. samay ane par vaishali ne putra ko janm diya. par anant vaishali ke jhuth se itna pak chuka tha ki vah apni santan ko bhi avishvas ki najron se dekhta hai aur use samajh nahin ata ki vah kya kare. aiye, karen anant aur vaishali ki kundli ka vishleshn- unki kundliyan is sandarbh men kya prakash dalti hain. anant ki janmakundli men yog karak grah evan bhagyesh brihaspati evan dvadshesh budh ka parivartan yog hai aur yogkarak mangal aur guru ki yuti dvadash bhav men hai jiske karan ve balyavastha men hi videsh chale gaye aur vahan par uÿam parhai-likhai karke daktar ban gaye aur ek unche pad par karyarat hain. anant ki sam rashi v sam lagn hai jiske karan anant kafi sharmila, shant tatha achche sanskar vala hai. dharm bhav men uchchasth shukra, budh v ketu ki yuti ke karan anant kafi dharmik pravriÿia ka hai. vivah ki drishti se vichar karen to saptam bhav par mangal ki purn drishti hai aur saptamesh shani saptam bhav se ashtam bhav men sthit hai. navansh men apni nich rashi men rahu ke sath hai aur janmang v navansh men shatru rashi men bhi sthit hai. patni karak grah shukra bhi akarak v nichasth grah budh evan ketu ke sath papagrah rahu ki drishti men navam bhav men sthit hai jiske karan anant ke vaivahik jivan men ashanti v avishvas ka vatavaran utpann hua. anant ki kundli men saptam bhav ka svami shani surya ki rashi men surya se drisht hai tatha vakra hai. navansh men shani nich rashi men rahu ke sath pap grah men sthit hai jiske karan iska vivah apne se bari umra ki mahila se hua. vaishali par atyadhik avishvas ka karan rahu ke upar se saptamesh shani ka gochar hai. vaishali ki kundli ka vishleshan karen to vaishali ka panchmesh shani saptam bhav men apni nich rashi men baithe hain aur saptamesh mangal svagrahi hokar dvitiya bhav men hai jo darshata hai ki vaishali ka vivah ek saumya aur shant svabhav ke larke se hua. parantu khud vaishali kafi ugra svabhav ki hai. shani ki saptam bhav men nich rashi men sthiti vaishali ki chal kapat v svarth se apna ullu sidha karne vali pravriÿia ko bhi darshati hai. chathe bhav men lagnesh shukra vakra v ast hokar apni uchch rashi men hai lekin vakra hoene ke karan nichasth grah ki bhanti fal denge. uske sath purn ast budh v pap grah rahu aur surya sabhi vyasan sthan arthat dvadash bhav ko dekh rahe hain jo uski madak dravya lene ke bure vyasan ko bhi darsha raha hai. chalit kundli men guru ki pancham bhav men drishti uske santan bhav ko bal pradan kar rahi hai aur yahi putra uske dampatya jivan ko age barhane men sahayak hoga. vaishali ki jhuth bolne ki adat ke karan use anant ki ghrina ka shikar hona para aur yah avishvas ki divar is had tak bari ho gai ki use anant ko apne bachche ka pita hone ka sabut dena par raha hai.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.