लग्न रोग एवं उपाय

lagn rog evan upay  

Ank ke aur Lekh | Sambandhit Lekh | Views : 1429 |  
mesh evan vrishchik lagn is lagn ka svami mangal grah hai. bhumi evan agni tatva lie hue nar bher ka svarup merha hota hai. is lagn ke jatak ki pravritti jiddi svabhav samay ke anurup nirdayi v krur tatha kabhi-kabhi buddhihin bhi ho jata hai. arthat vah apni ugra parithitiyon men samajik avdharnaon ke viprit bhi karya kar baithta hai. is lagn ki pravritti pitt ki pradhanta ko lie hue kaf mishrit hoti hai aur is lagn ke vyaktiyon men mastishk ya nak se rakt ka shrav (naksir) koshthabaddhata (kabja) arsh (bavasir) smaranashakti ki kami ke sath-sath pandu rogon ki prablta dekhne ko milti hai. is lagn ke vyaktiyon ko lal rang ke vastra pahnna shubh hota hai. jabki is lagn ke vyaktiyon ko kale, nile, evan hare rang ke vastron ka upyog nahin karna chahie. kyonki budh grah iska viprit grah hai. is lagn ke jatkon ko apne khanpan men madya evan mans ke atirikt garishth bhojan, kaefi adi ka sevan n karen. is lagn ke vyaktiyon ko narangi, pile, lal vastron ke sath-sath hari sag - sabjiyon ka jyada sevan karna hitkari hai. is lagn ke vyaktiyon ko chahie ki ve varsh men do-char bar bhraman bhi karen. isi lagn ka fal vrishchik lagn men bhi dekhne ko prayah milta hai. chunki donon hi lagnon ka svami mangal hai. vrish evan tula lagn vrish evan tula lagn ka svami shukra strikarak grah sharmile svabhav ka shant, parantu kutil hota hai. inke sharir men vat ki pradhanta ke sath-sath kaf pravritti ka mishran hota hai. is lagn ke jatkon men pinas rog ke sath mutra rogon ki bhi prablta hoti hai. in lagnon ke vyaktiyon ko sunhra (golda) nile, halke asmani, hare rang ke vastron ka pahnna labhdayak hai. jabki lal evan narangi, kale, pile v gulabi vastron ka prayog avrodhatmak hota hai. in lagnon ke vyaktiyon ko sugandhon ke prayog jaise parafyum adi labhkari hai. aise lagn ke vyaktiyon ko apne sharir ko pusht karne ke lie ras rasaynon ka prayog karna chahie. mithun evan kanya lagn in lagnon ka svami budh hai. iska rang hara hai. jo ki prakhar vakta, vachal evan vakptu hota hai. sharir men rogon ke anusar vayu ki adhikta lie hue, kaf ka mishran, aise logon men udar rogon ki pradhanta, madhumeh ki bimari ke sath-sath hriday rogon ka bhi dar bana rahta hai. lagn ke anurup halke kale, nile, hare, bhure rang ke vastron ke prayog se jatkon ko labh milta hai. pratahkal men hari ghas par chalna, dhyan, yogasan, sabut mung, lauki, kachcha papita, paraval, tinda adi sabjiyon ke sevan se sharir svasth evan man tanav mukt rahta hai. dhanu evan min lagn dhanu evan min rashi ka svami guru hai. motapa lie hue alasya se paripurn, saumya vicharon ka svami gurde ke pathri rog, harmons ka asantulan, merudand (sponlaitis) ke sath-sath madhumeh rog ki sanbhavna ke sath-sath uchch raktachap ka bhi khatra mandrata rahta hai. in lagnon ke vyaktiyon ko safed, pile, halke gulabi vastron ke pahnne se labh, gahre kale, nile, hare vastron ke dharan karne se mansik avsad ka bhay bana rahta hai tatha lal rang ke vastron ka pahnna shubh nahin hai. is lagn ke vyaktiyon ko halke supachya bhojan, dudh, dahi adi ka niyamit sevan labhdayi hai. sinh lagn is lagn ka svami surya pitt pravritti yukt, shant svabhav, viprit paristhitiyon men ati hinsak, pet ke rogon ko lie hue, netra vikari, garisht bhojan ka svadu tatha bhramnshil hota hai. is lagn ke jatak ko gahre kale, nile, pile vastron ke sath-sath madya mans ka prayog sarvatha varjit hai tatha varsh men yada-kada van evan parvatiya kshetron ka bhraman sharir ke lie anukul hai. is grah ke jatak ke lie lal evan narangi vastra dharan karna labhdayi hai. makar evan kunbh lagn makar evan kunbh ka svami krishkay nil varn ka surya putra shani pet ka rogi, vat evan kaf se pirit, sans rogi, rituon ke parivartan kal men pirakarak, jiddi svabhav ka hota hai. aise lagn ke vyaktiyon ko narangi v parpal shedyukt nile hare rang ke vastron ko pahnna chahie. ve dhumrapan evan madira adi ke sevan se parhej rakhen. kark lagn is lagn ka svami chandrama hai. vayu evan shit ki pradhanta lie hue kaf rogon ki utpatti karta hai. saurmandal men shighratashighra parivartan karne vala ekmatra grah chandrama us vyakti ke svabhav ko chanchal banakar rakhta hai. aise vyakti pal-pal men apna nirnay badlte rahte hain. is lagn ke vyaktiyon ko halke safed, krim, narangi, halke lal rang ke vastron ka prayog karna labhkari hai tatha is lagn ke vyaktiyon ko kale evan pile vastron ke dharan se parhej karna chahie. is lagn ke jatkon ko ratri men dudh, panir, chaval adi ka sevan varjit hai. is lagn ke vyaktiyon ke rogon ka sandhan karen to vah prayah malabaddhata, galgand (ghengha rog) ke atirikt ti.bi. jaise jadhanya rogon ke hone ki sanbhavna rahti hai. charm rogon men sandhikal, prajanan, tvacha ya tvacha ka fatna ityadi rogon se pira rahti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2011

Apne vichar vyakt karein

blog comments powered by Disqus
.