एक थी आरुषि - भाग - 2

ek thi arushi - bhag - 2  

Ank ke aur Lekh | Sambandhit Lekh | Views : 720 |  
fyuchar samachar ke julai 2008 ank men ‘ek thi arushi’ nam se arushi hatya kand se juri sabhi janmakundliyon ka vistrit vishleshan kiya gaya tha. ukt vishleshan ke kram men ab is bhag do men is mamle men age ki sanbhavnaon ka jyotishiya vishleshan kiya gaya hai. arushi hatyakand se juri sabhi mahatvapurn janmakundliyon ke vistrit vishleshan men hamne paya tha ki arushi aur uske mata, pita ki kundliyon men lagnesh v shubh grah kendra men nahin the. pap grah kendra sthanon men baithe the aur shubh grah shashth, ashtam tatha dvadash bhavon men sthit the. guru aur chandra ki sthiti visheshakar tinon kundliyon men atyant kamjor thi. donon grah man aur buddhi ke karak hain tatha vyakti ki mansik v atmik sthiti ka avlokan karate hain. do varsh pahle talvar danpti pulis ke shak ke dayre men the aur rajesh talvar ko kai mas jel men rakhne ke pashchat unhen chor diya gaya aur kes si. bi. ai ko saunp diya gaya. si. bi. ai. ki vishesh adalat ne puri tahkikat ke bad talvar danpti ko ek bar fir mukhya aropi thahraya hai aur unhen abhiyukt mante hue ab unke khilaf charjashit dakhil hogi. adalat ke anusar talvar danpti ke khilaf jo bhi paristhitijanya sakshya hain ve unke khilaf charjashit dakhil karne ke lie paryapt hain. talvar danpti ke khilaf shak ke kai karan hai. jaise 1. katla ki rat intrnet ka subah 3ah 34 tak sakriya rahna. 2. arushi ke kamre ko jaldabaji men saf karana tatha tathyon ko mitane ki koshish karna. 3. arushi ke kamre ki chabhi ka thik jagah par n milna. 4. arushi ke shav ka silavat vali chadar se dhaka hona adi. 5. chat ke darvaje par khun ke dhabbon ka milna. vaise to ye sabhi sakshya kafi kamjor hain aur in sakshyon ke adhar par talvar danpti ko katil nahin thahraya ja sakta, par talvar danpti par fir se katil hone ka kalank kyon laga aur un par yah gaj kyon giri, yah ham jyotish ke aine se dekhenge. arushi ke pita rajesh ki kundli ka vishleshn: rajesh ki kundli ke anusar uski guru men ketu ki antrdsha v guru ki pratyantrdsha chal rahi hai. guru panchmesh aur markesh hokar shashth bhav men baithe hain aur shani aur ketu ki purn drishti men hai. 9 farvri 2011 ko kort ne talvar danpti ko apni beti ki hatya ka aropi karar diya. us din gochar men guru chandra se tisre bhav men tatha janmasth guru se vyay bhav arthat dvadash men sthit the tatha ketu lagn se ashtam bhav men rahu aur shukra par gochar kar rahe the. aur gocharasth shani ki dasham drishti men bhi the. arthat gochar men donon hi grah pratikul sthiti men hain aur ane vale samay men bhi mai 2011 ke bad ketu chandra se pancham tatha lagn se saptam marak bhav men surya ke upar gochar karenge. atah sthiti men sudhar hone men sandeh hi najar ata hai. rajesh ki kundli men purn kalasarp dosh bhi hai. isilie janmasth rahu aur ketu par gochar ke ketu aur rahu ne pratikul prabhav dikhaya aur ek bar fir vah apni hi beti ki hatya ke shak ke ghere men a gaye. julai 2011 ke pashchat guru men shukra ki antrdsha aegi. shukra guru ke shatru hote hue lagn se ashtam bhav men rahu ke sath baith kar dushit ho rahe hain aur vaise bhi kundli men saptamesh v dvadshesh hokar akarak ho gaye hain. islie shukra ki antardasha men bhi anukul parinam milne ki ummid kam najar ati hai. abhi kort ki karyavahi men samay lag sakta hai aur doshi bhi sabit ho sakte hain. parantu chunki rajesh ki kundli men viprit raj yog hai arthat shashthadhipti mangal chathe bhav men, ashtamadhipti budh chathe men tatha dvadshesh shukra athve men hai islie bhavishya men ane vali surya, chandra aur mangal ki antrdshaen inke lie anukul sabit hogi aur yadi ve suprim kort tak jate hain to faisla unke hak men ho sakta hai kyonki inhane lagnadhipti raj yog bhi mil raha hai. rajesh ki kundli men prakritik shubh grah guru, shukra aur budh lagn se chathe v athven bhav men sthit hain chuki prakritik pap grah mangal aur rahu bhi sath hai islie kort ke chakkar men parna para. arushi ki man nupur ki kundli ka vishleshn nupur ki kundli ke anusar inki shani men ketu ki antrdsha chal rahi hai shani nupur ki kundli men steshnri arthat stanbhit hai. islie bhagyesh hokar bhi shani ne achche parinam nahin die hain. vartaman samay men shani ashtamesh v navmesh hokar sukh sthan men sthit mangal ke upar gochar kar rahe hain aur ketu lagn bhav me surya ke upar tatha chandra se dvitiya bhav men gocharasth hai aur shani ki dasham drishti men bhi hai. gocharasth rahu bhi chandra se ashtam bhav men sthit hai jo pratikul rup se nupur ke jivan ko prabhavit kar rahe hain aur nupur ki ghar grihasthi ko purnarup se titr-bitar kar diya hai. iske atirikt sukh bhav ke svami budh bhi atyant kamjor avastha men 0 ansh ke ho kar marak sthan men baithe hain. stri jatak men yadi sukh bhav ka svami durbal ho aur sukh bhav men pap grah ho to sukh ka nash kar deta hai. yahi nupur ke sath ho raha hai. disanbar 2011 ke pashchat nupur ki shani men shukra ki antrdsha praranbh ho jaegi jo nupur ke lie anukul siddh ho sakti hai kyonki shukra aur shani donon hi balhin hain. kalidas dvara rachit uttar kalamrit men unhonne likha hai ki yadi shukra aur shani ki dasha antrdsha men donon bali hon to nishkrisht fal tatha balhin ho to utkrisht fal milta hai. islie nupur ko 2011 ke pashchat uchchatam nyayalay se rahat mil sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


hast rekhaen aur jyotish  April 2011

jo jyotish men hai vahi hath ki rekhaon men hai donon ek dusre ke purak hai. hath ki vibhinn rekhaen kya falit kathan karti hai iski jankari is visheshank men di gai hai.

Subscribe

Apne vichar vyakt karein

blog comments powered by Disqus
.